HEBREOS 12:3 - Xochapa Mixteco

³ Ta saa ndóꞌo̱, ndikani vaꞌa ini ndo ndá kuꞌva ndo̱ꞌo Jesús, chi ra ikán ta yáꞌa ni ndee ya ndo̱ꞌo ra i̱kan naꞌa, na ivi kuachi yóꞌó, ta ndi̱xaꞌa ndee ndiꞌi ini ra ndo̱ꞌo ra saa. Xaꞌa ya ñaa kua künaa ndo, ta ni ndïkava ini ndo ya ndíkun ñaꞌa ndo.

HEBREOS 12:3 Mawu Ofanana

San Mateo 11:19

Ta yeꞌe Taa ra xa̱a ñuu ivi yóꞌo, xíxi vaꞌa i ta xíꞌi i vinu. Ta káꞌan ndo xaꞌa i kini ni xíxi i tin xíꞌi i, saa kútoo ni i koo migo i naꞌa, na ndíkaya xuꞌun nuu gobierno, xiꞌin na köo káñuꞌu Ndioxi, káchi ndo xaꞌa i. Ta ndiꞌi na kúu mií ya ndíchi vaxi nuu Ndioxi, na yóꞌó ku na íkan ya vaꞌa ―káchi Jesús xiꞌin na.

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 15:2

―¿Ndachu köo káñuꞌu nda ítaꞌan xiꞌin un ya si̱naꞌa xii sikua yo xinaꞌa? Saa chi köo ndóo ndaꞌa nda xíxi nda tá kuꞌva íyo ya ndi̱kaꞌan xii yo ―káchi nda ikán xiꞌin Jesús.

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Mateo 21:46

Ñaa ndi̱kani ini nda tiin nda ra, ta köo ndi̱kuvi tiin ñaꞌa nda xaꞌa ya íꞌvi nda nuu na ñuu, saa chi na ikán ta káꞌan na xaꞌa ra kúu ra profeta ra káꞌan ndoso tuꞌun yuꞌu Ndioxi.

San Mateo 22:15

Tá si̱ndiꞌi Jesús ndi̱kaꞌan ra tuꞌun ndíchi ikán, saa ka̱na koo nda fariseo kuaꞌan nda, ta chi̱taꞌan tuꞌun nda ya keꞌe nda Jesús, nuu kaꞌan ra ndá ka tuꞌun. Saa kuchiñu nda taxi nda kuachi xaꞌa ra.

San Lucas 14:1

Saa ku̱u iin ichí kivi ndíkundee na, ke̱e Jesús kuaꞌan ra kuxi ra veꞌe iin ra chiñu kaꞌnu, ta ra fariseo ku ra. Saa ndóo inka nda fariseo xínani ni nda Jesús unkua ikan ra.

San Lucas 15:2

Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa: ―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Lucas 2:34

Saa ndi̱kaꞌan ra tuꞌun yóꞌó xiꞌin na, káchi ra saa: ―Ndioxi ná chikaa ka ya vaꞌa ndóꞌo̱. Ta saa ndi̱kaꞌan ka ra xiꞌin yá María siꞌí ra loꞌo Jesús, káchi ra saa: ―Ndioxi ndi̱kaxin ra loꞌo seꞌe un yóꞌó ya ka̱ku ra, ta kuaꞌa ni na Israel sikaku ra. Ta inka na xïin ndikiꞌin vaꞌa ñaꞌa ndiꞌi xaꞌa na, saa chi ra yóꞌó kúu taa ra koo iin seña sinaꞌa Ndioxi nuu na ñuu ivi ta kuaꞌa ni na küaꞌa kandixa ñaꞌa,

San Lucas 5:21

Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.

San Juan 18:22

Tá ndi̱kaꞌan Jesús saa, ta iin ra policía ra ndáa veꞌe ñuꞌu xa̱kin ra iin xaꞌnda nuu Jesús, saa ndi̱kaꞌan ra xiꞌin ra, káchi ra saa: ―¿Án saa ndíkuiin un yuꞌu sutu ra chee? ―káchi ra xiꞌin ra.

San Juan 5:16

Xaꞌa ya ikán kua xa̱á nda judío ndíkun nda sata Jesús kúni nda kaꞌni ñaꞌa nda, xaꞌa ya síndaꞌa ra naꞌa kivi ndíkundee na.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

San Juan 8:13

Saa ndi̱kaꞌan nda fariseo xiꞌin ra, káchi nda saa: ―Köo ndáa yaꞌvi ya káꞌan un, chi süvi inka naꞌa káꞌan xaꞌa un, mií va un káꞌan xaꞌa un, yakan süvi ya ndaa kua káꞌan un ―káchi nda xiꞌin ra.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.

San Juan 9:40

Ta nda fariseo nda íyo xiꞌin Jesús, tá xi̱ni soꞌo nda ya ndi̱kaꞌan ra saa, ta ndi̱kaꞌan nda xiꞌin ra, káchi nda saa: ―¿Án nda ndeꞌe ku nde kuáa̱ túvi un? ―káchi nda xiꞌin ra.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

2 Corintios 4:1

Ta ndeꞌe ta köo ndíko koo ini nde xiꞌin chiñu ya ta̱xi Ndioxi ndaꞌa nde íkan nde, chi xaꞌa ya kúndaꞌvi ni ini ra xíni ra ndeꞌe va kua ta̱xi ra chiñu yóꞌó ndaꞌa nde.

2 Corintios 4:16

Xaꞌa ya ñaa kua ni köo ndíkava ini nde ya xáa chiñu nde. Ya ndaa kua ikin kuñu nde ta iin iin kivi kuaꞌan ndíꞌi xaꞌa ya chi kúyata ya. Sundi ya vaꞌa nde, ta ndúu xa̱á ya iin iin kivi, ta saa ndúu ndee ka ini nde.

Gálatas 6:9

Ta ná künaa yo ya chíꞌi yo ya vaꞌa, ná xaꞌa ni yo ndee ikan yo saa ndiꞌi kivi, saa tá ti̱ndaa tiempo ta niꞌi ni yo ya vaꞌa xaꞌa ya íkan yo saa.

2 Tesalonicenses 3:13

Ta saa ndóꞌo̱, ñani yo xiꞌin kuꞌva yo, káꞌan nde xiꞌin ndo ya ná künaa ndo íkan ndo ya vaꞌa ndiꞌi saa kivi.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

HEBREOS 12:5

¿Án xa ndi̱ndoso ini ndo ya káꞌan Ndioxi xiꞌin ndo kúu ndo seꞌe ra? Tá káchi ra nuu tuꞌun ra, káchi ya saa: Seꞌe mií i, säa ndo tá káꞌan i xiꞌin ndo ndá kuꞌva xíniñuꞌu ndo kaka ndo. Ta ndïkava ini ndo tá ndáꞌi Ndioxi xiꞌin ndo.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

El Apocalipsis 2:3

Ta xáꞌa ndee ndiꞌi ini ndo xaꞌa ndiꞌi ya ndóꞌo ndo, ta ndee ni ndee xáa chiñu ndo nuu i xaꞌa ya kúꞌvi ni ini ndo xíni ndo yeꞌe. Vani ndóꞌo ni ndo, ta köo ndíko koo ini ndo xaꞌa ya ndíkun ndo yeꞌe.