HEBREOS 11:8 - Xochapa Mixteco

⁸ Xaꞌa ya xi̱ndaa ni ini ra Abraham xi̱ni ra Ndioxi kua xa̱a súvi ra chiñu ya ndi̱kaꞌan Ndioxi xiꞌin ra. Saa ke̱ta ra kuaꞌan ra koo ra inka ñuu nuu ki̱ndoo Ndioxi xiꞌin ra taxi ra ya ndaꞌa ra koo ra xiꞌin seꞌe ra, ta ni köo kúndaa ini ra ndá ñaꞌñu kua kuaꞌan ra.

HEBREOS 11:8 Mawu Ofanana

San Mateo 2:21

Saa ndi̱koo ra José ndi̱kiꞌin ra ra loꞌo xiꞌin siꞌí ra, ta ndi̱ko koo na kuanuꞌu na ñuu Israel.

ROMANOS 1:5

Ta xaꞌa mií ra kua ta̱xi Ndioxi ya toꞌo chee ni ndaꞌa i kúu i apóstol, yakan ti̱ꞌvi ra yeꞌe ya chindee taꞌan i xiꞌin ndiꞌi ni kúu naꞌa, na ndóo ndiꞌi ni kúu ñuu ivi, na köo kúu judío ya kandixa na ra, saa xaa toꞌo na ra.

ROMANOS 10:16

Ta saa ni, süvi ndiꞌi na Israel ndi̱xiin kuni soꞌo tuꞌun vaꞌa xaꞌa Jesucristo. Tá i̱kan na xinaꞌa tá ndi̱kaꞌan ra profeta Isaías xaꞌa na xiꞌin Ndioxi, káchi ra: “Tata, ¡ni köo naꞌa xíin kandixa tuꞌun un ya káꞌan nde xiꞌin na!”, káchi ra Isaías.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

2 Corintios 10:5

Ta suvi xiꞌin ndee Ndioxi kua kuchiñu nde sindiꞌi xaꞌa nde ndiꞌi tuꞌun väꞌa ya kánaꞌa naꞌa xaꞌa nde. Ta kuꞌva soꞌva kua kúchiñu nde síndiꞌi xaꞌa nde ndiꞌi ñaꞌa ya ndee ni xáa tai ini naꞌa, chi köo táxi ya kundaa ini na xaꞌa Ndioxi. Ta saa sínaꞌa nde na ya ná nditaxi ndiꞌi na ya ndíchi ndíkani ini na ndaꞌa Jesucristo, saa kua kuchiñu na xaa súvi na ya kúni mií ra.

HEBREOS 11:33

Xaꞌa ya xi̱ndaa ni ini na ikán Ndioxi yakan kua vaꞌa ku̱chiñu na nuu inka na ñuu, tá ndi̱xaꞌan na nuu kuachi ka̱ni taꞌan na. Ta sava ka na vaꞌa ni xaa nani na kuachi xiꞌin inka naꞌa. Ta sava na ikán ndi̱kiꞌin na ya ki̱ndoo Ndioxi taxi ra ndaꞌa na. Ta sava na ku̱chiñu na ndi̱kasi na yuꞌu kiti lión, köo ndi̱kuchiñu ri tiin ri na.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Pedro 3:1

Saa ndóꞌo̱ kuꞌva yo, ndóꞌo̱ xa ti̱ndaꞌa, íyo ií, ta xaa toꞌo ndo ií ndo. Chi sava ií ndo ta täꞌan kandixa nda tuꞌun Tata yo, tá ná kuni nda ya vaꞌa ni íkan ndo, ta nda iin tuꞌun köo xíniñuꞌu ndo kaꞌan ndo xiꞌin nda,

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.