HEBREOS 11:5 - Xochapa Mixteco

⁵ Saa tu ra Enoc va, xaꞌa ya xi̱ndaa ni ini ra xi̱ni ra Ndioxi yakan kuaꞌan ivi ra xiꞌin Ndioxi, köo ndi̱xiꞌi ra ta nda iin ka naꞌa köo ndi̱xini ñaꞌa, saa chi Ndioxi ndi̱kiꞌin ra kuaꞌan ra. Ta xa ndi̱xiyo tuꞌun xaꞌa ra ya vaꞌa ni ku̱ni Ndioxi xi̱ni ñaꞌa ra.

HEBREOS 11:5 Mawu Ofanana

San Lucas 2:26

Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Lucas 3:37

Ta ra Lamec ku seꞌe ra Matusalén. Ta ra Matusalén ku seꞌe ra Enoc. Ta ra Enoc ku seꞌe ra Jared. Ta ra Jared ku seꞌe ra Mahalaleel. Ta ra Mahalaleel ku seꞌe ra Cainán.

1 Tesalonicenses 2:4

Chi mií Ndioxi ku ra xi̱to ndoso ndeꞌe, ta xi̱ni ra kuchiñu nde xiꞌin chiñu ya ta̱xi ra ndaꞌa nde ya kaꞌan ndoso nde tuꞌun vaꞌa xaꞌa ra xiꞌin naꞌa. Ta ndeꞌe, ta köo íkan nde ndá ka ñaꞌa ya xaa sií nde ini na ñuu ivi yóꞌó, sundi íkan nde ñaꞌa ya xaa sií nde ini Ndioxi, chi mií ra ku ra xíto ndoso nima ndiꞌi yo án ya vaꞌa kua, án süvi ya vaꞌa kua.

HEBREOS 11:6

Tá tu köo ndáa ni ini yo xíni yo Ndioxi, ta küvi xaa síni yo ini ra, saa chi ndiꞌi yo kúyati nuu ra ta xíniñuꞌu yo kundaa ni ini yo kuni yo ra ya íyo ra, saa xíniñuꞌu tu yo kundaa ini yo ya sóko ni ra ya vaꞌa nuu ndiꞌi yo kúyati nuu ra, ndúku yo ra.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.

Judas 1:14

Ra Enoc, ra uxa ra kúu seꞌe ñani sikua ra Adán, ra ikán ku ra ndi̱kaꞌan xaꞌa nda taa nda sinaꞌa ya vata ñaa, ka̱chi ra saa: “¡Koto ndo vii! Xa xi̱ni i vaxi kuaꞌa ni mil na tatun Ndioxi xiꞌin ra,