HEBREOS 11:4 - Xochapa Mixteco

⁴ Xaꞌa ya xi̱ndaa ni ini ra Abel xi̱ni ra Ndioxi yakan kua ndi̱soko ra nina ya vaꞌa nuu Ndioxi, vaꞌa ni ka ya ndi̱soko ra ikán nuu ñani ra, ra Caín. Xaꞌa ya ikán kua vaꞌa ni ku̱ni Ndioxi xi̱ni ñaꞌa ra, ta ndi̱kaꞌan ra xaꞌa ra ya vaꞌa ni taa ku ra, saa ndi̱kiꞌin Ndioxi ya ta̱xi ra ndaꞌa ra. Yakan vani xa naꞌa ni ndi̱xiꞌi ra Abel ta ya vaꞌa i̱kan ra nuu Ndioxi, ya ikán kua sínaꞌa yoo ya xíniñuꞌu ni yo kundaa ni ini yo kuni yo Ndioxi tá kuꞌva i̱kan ra Abel.

HEBREOS 11:4 Mawu Ofanana

San Mateo 23:35

Yakan sata ndóꞌo̱ kuaꞌan kuachi xaꞌa nií ndiꞌi taa nda vaꞌa, nda ndi̱xiꞌi xinaꞌa, ta xa̱á ya nda xaꞌa tá ndi̱xiꞌi ra Abel. Nda xaꞌa ra ikán xa̱á ya iin saa nda xaꞌa ra Zacarías, seꞌe ra Berequías. Xii sikua ndóꞌo̱ ku nda xa̱ꞌni ra Zacarías kivi xi̱ndichi ra maꞌñu ya kúu yeꞌe veꞌe ñuꞌu kaꞌnu xiꞌin nama nuu sóko na ñaꞌa nuu Ndioxi.

San Lucas 11:51

Ta nda xaꞌa ra Abel, ra vaꞌa ra ndi̱xiꞌi i̱kan ñani ra, xiꞌin inka ra Zacarías, ra ndi̱kaꞌan ndoso tuꞌun yuꞌu Ndioxi xinaꞌa, ra xa̱ꞌni xii sikua ndo maꞌñu cuarto i̱í xiꞌin nuu xáꞌni na kiti nuu Ndioxi. Ikán ku nuu xa̱ꞌni xii sikua ndo ra. Ta nduku Ndioxi cuenta nuu ndo xaꞌa ra ikán xiꞌin ndiꞌi ka nda ndi̱kaꞌan ndoso tuꞌun yuꞌu ra, saa chi ndóꞌo̱, tá ndi̱xiyo xii sikua ndo, saa íin ndo.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

HEBREOS 11:2

Xií yo na xi̱ndoo xinaꞌa, ta ka̱ndixa ni na Ndioxi, yakan nda ni mií ra ta vaꞌa ni káꞌan ra xaꞌa na.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

HEBREOS 12:24

Ta ndóꞌo̱, ku̱yati ndo nuu Jesús, ra ndíchi nuu Ndioxi nuu ki̱ndoo ra ya xa̱á xaꞌa ndo xáku ndaꞌvi ra xaꞌa ndo nuu Ndioxi. Saa chi ra ikán ku ra ki̱ndoo iin trato ya xa̱á xiꞌin ndo, ta xiꞌin nií ra ku rá nda̱sa i̱í Ndioxi ndóꞌo̱, saa chi ndee ni ka nií Jesús nuu nií ra Abel, ra ndi̱xiꞌi xinaꞌa.

HEBREOS 5:1

Ta vaꞌa ná ndikani i nuu ndo ya kuchiñu kundaa ini ndo xaꞌa sutu ra chee. Chi mií Ndioxi ku ra ndíkaxin iin iin taa ya ndúu nda sutu chee nuu ra. Ta ra sutu ikán ku ra sóko ñaꞌa na ñuu nuu Ndioxi, saa xáꞌni ra kiti sana na nuu Ndioxi xaꞌa kuachi na.

HEBREOS 9:22

I̱kan ra saa, saa chi saa káꞌan ley Ndioxi, ndiꞌi ñaꞌa ta xíniñuꞌu ya nduu vaꞌa ya xiꞌin nií, chi tá tu köo xíta nií, ta köo xáa kaꞌnu ini Ndioxi xaꞌa kuachi naꞌa, káchi ya.

2 Pedro 2:8

Iin taa ra vaꞌa ni ndi̱xiyo, ta ndee ni ku̱suchi ini ra, chi ndiꞌi saa kivi xi̱ni soꞌo ra tin xi̱to ra ya väꞌa i̱kan na xi̱ndoo ikán.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.