HEBREOS 1:2 - Xochapa Mixteco

² Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

HEBREOS 1:2 Mawu Ofanana

San Mateo 13:39

Taa ra sáa ini chi̱ꞌi iku väꞌa ku kiti nǎꞌa. Kivi ya kaꞌnda na trigo xiꞌin iku väꞌa ku kivi tá ná ndiꞌi xaꞌa ñuu ivi yóꞌó, ta na kaꞌnda ya ikán ku tatun Ndioxi.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 21:38

Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

San Marcos 1:1

Soꞌva kua ku̱u tá ndi̱tuvi tuꞌun vaꞌa xaꞌa Tata yo Jesucristo, ra kúu Seꞌe Ndioxi ra ti̱ꞌvi Ndioxi vaxi sikaku na ñuu ivi.

San Marcos 12:6

’Ta köo ka inka naꞌa tiꞌvi ra kuꞌun ndá siin seꞌe ra, ra kúꞌvi ni ini ra xíni ra ku ra ndi̱ndoo, saa ti̱ꞌvi ra ta ikán kuaꞌan ra nuu nda ndu̱ku too ñuꞌu ra, chi ndíkani ini ra káchi ra saa: “Kañuꞌu va nda ra yóꞌó saa chi seꞌe yo ku ra’’, káꞌán ra.

San Marcos 12:7

Saa ndi̱kaꞌan nda ndu̱ku too ñuꞌú ikán xiꞌin taꞌan nda, káchi nda saa: “Naꞌa ndo chi ra loꞌo yóꞌó ku ra ndoo ñuꞌú ndaꞌa ikan iva ra tá ná kuvi ra. Naꞌa ndo ná kaꞌni yo ra, ta ndoo ñuꞌú iva ra ndaꞌa yo”, ka̱chi nda xiꞌin taꞌan nda.

San Juan 1:10

Ra kúu tuꞌun Ndioxi ku ra, ta xa̱a ra íyo ra ñuu ivi, ta tixin ra ikán si̱kuaꞌa Ndioxi ñuu ivi. Sundi na ñuu ivi, ta köo ndi̱xiin na ndikuni ñaꞌa na.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:3

Tixin ra ikán kua si̱kuaꞌa Ndioxi ndiꞌi ñaꞌa. Nda iin ya köo ndi̱kan mií Ndioxi, sundi ndiꞌi ni kúu ya íyo, ta tixin ra ikán si̱kuaꞌa ndiꞌi Ndioxi ya.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 13:32

Tá tixin ra ikán kua ndúu kaꞌnu ni Ndioxi ta saa ndasa kaꞌnu ni tu Ndioxi ra íkan va, ta kama ni kuu saa.

San Juan 15:15

Ta käꞌan ka i xiꞌin ndo ya kúu ndo: “moso i” chi iin moso ta köo xíni ra unkua ikan ra xáa chiñu ra nuu. Sundi yeꞌe káꞌan i xiꞌin ndo ndóꞌo̱ ku ndo ítaꞌan vaꞌa ni xiꞌin i, chi ndi̱tuꞌun ndiꞌi i xiꞌin ndo xaꞌa ya xi̱ni soꞌo i ndi̱kaꞌan Iva i, ta saa íyo ndiꞌi ya ndi̱kaꞌan i xiꞌin ndo.

San Juan 16:15

Ndiꞌi ya kúu mií Iva i Ndioxi ta kuenta mií i ku ndiꞌi ya, yakan kua káꞌan i xiꞌin ndo ndituꞌun ya xiꞌin ndo xaꞌa ya kúu kuenta yeꞌe.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 3:25

Saa ku̱u ta iin kivi xa̱á sava nda ítaꞌan xiꞌin ra Juan, káni taꞌan nda xiꞌin tuꞌun xiꞌin inka nda judío xaꞌa kuꞌva ya xáa súvi na mií na tá kúu kuꞌva chíchi na xiꞌin ya ndóo ndaꞌa na, ya xáa súvi na ley na, chi saa ini na.

San Juan 5:26

Saa chi Ndioxi ta kúu mií ra ndee táxi ra táku mií ra ta suvi ndee ikán ta̱xi ra ndaꞌa Seꞌe ra ya iin káchi táku ra xiꞌin ra.

San Juan 5:27

Ta ta̱xi ra ichí ndaꞌa Seꞌe ra ya xaa nani ra kuachi naꞌa, xaꞌa ya kúu ra Taa ra xa̱a ñuu ivi yóꞌó.

San Juan 9:29

Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 2:17

Tá xa ku̱yati ndiꞌi xaꞌa ñuu ivi, ta tiꞌvi i Tachi i ya koo ya xiꞌin ndiꞌi saa kúu na ñuu ivi. Ta seꞌe taa ndo xiꞌin seꞌe síꞌi ndo, kaꞌan ndoso na tuꞌun yuꞌu i, Saa situvi ya nuu na kuâán ikan i. Ta na xikuaꞌa taxi i xani nuu na ndixani na.

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

ROMANOS 8:17

Ta xaꞌa ya kúu yo seꞌe Ndioxi, yakan niꞌi yo ñaꞌa ya taxi ra ndaꞌa yo, tá kuꞌva íkan iin taa, ndítaꞌvi ra ñaꞌa ra xiꞌin seꞌe ra. Saa chi̱tuni Iva yo Ndioxi ikan ra xiꞌin ndiꞌi yo kúu seꞌe ra. Ta ndiꞌi ya vaꞌa ta̱xi ra ndaꞌa seꞌe ra Jesucristo, iin káchi saa niꞌi yo ya xiꞌin ra nuu ndivi nu̱nù. Tá tu xáꞌa ndee ini yo ndoꞌo yo xaꞌa ra, ta saa niꞌi tu yoo va ya vaꞌa xiꞌin ra nuu ndivi.

1 Corintios 2:7

Ndeꞌe, ta sínaꞌa nde ya ndíchi kúu mií Ndioxi, ya ndi̱xiyo sěꞌe yachi nda kivi tá xi̱koo xaꞌa ñuu ivi yóꞌó. Nda saa vi chi̱tuni Ndioxi ya ndíchi yóꞌó ya kuchiñu niꞌi ni yo ya vaꞌa xiꞌin ya.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

Efesios 1:10

Ta ya ndi̱xiyo sěꞌe ikán kua kuu tá ná tindaa kivi ya sikitaꞌan ndiꞌi Ndioxi ñaꞌa ya chi̱tuni ra xaa súvi ra, ta saa kua nditaxi ndiꞌi ra ndivi xiꞌin ñuu ivi yóꞌó ndaꞌa Cristo, ya kaꞌnda chiñu ra nuu ya.

Efesios 3:9

Ta̱xi Ndioxi chiñu ndaꞌa i ya kuchiñu i ndituꞌun i xiꞌin naꞌa xaꞌa ñaꞌa ya chi̱tuni mií ra ndi̱xiyo sěꞌe yachi, chi mií ra ku ra si̱kuaꞌa ndiꞌi ni kúu ñaꞌa ya íyo, ta nda yachi vi ndi̱xiyo sěꞌe ñaꞌa ya chi̱tuni mií ra, nda tá si̱kuaꞌa ra ñuu ivi yoꞌo vi kua i̱kan ra saa.

HEBREOS 1:5

Saa chi Ndioxi ta nda iin ichí köo ndi̱kaꞌan ra xiꞌin nda iin tatun ra tá kuꞌva ndi̱kaꞌan ra xiꞌin Seꞌe ra, káchi ra saa: Yóꞌo̱ ku Seꞌe i, ta yeꞌe ku Iva un, Ta saa ndi̱kaꞌan tuku Ndioxi xiꞌin ra, káchi ra saa: Yeꞌe nduu Iva un, ta yóꞌo̱ nduu Seꞌe i, ka̱chi Ndioxi xiꞌin ra.

HEBREOS 1:8

Sundi xaꞌa Seꞌe ra, káchi ra saa: Yóꞌo̱ ku Ndioxi ta ndiꞌi saa ichí kaꞌnda chiñu un nuu na ñuu ivi yóꞌó, nda iin ichí ndïꞌi xaꞌa chiñu ya kúu mií un, ta ndǎku ni kaꞌnda chiñu un.

HEBREOS 11:3

Xaꞌa ya ndáa ni ini yo xíni yo Ndioxi yakan kúndaa ini yo xiꞌin tuꞌun ra ya xa̱ꞌnda ra chiñu kua ndi̱kuaꞌa ñuu ivi yóꞌó xiꞌin ndivi ni̱nù. Ya yóꞌó kúni kachi ya ndi̱kuaꞌa ñuu ivi yóꞌó xiꞌin ñaꞌa ya köo ndi̱kuvi koto xiꞌin nuu yo.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 5:8

Vani Seꞌe Ndioxi ndi̱xiyo ra, ta ndee ni vaꞌa si̱kuaꞌa ra xa̱a súvi ra ndiꞌi ya ndi̱kaꞌan Ndioxi xiꞌin ra xaꞌa ya ndee ni ti̱xuꞌvi ra ñuu ivi yóꞌó.

HEBREOS 7:28

Ley Ndioxi, ya ta̱a ra Moisés, ta táxi ya ichí ndaꞌa nda sutu ivi kuachi taꞌan mií yo, ya kuu nda sutu nda chee ni. Tá sindiꞌi ta̱xi ra ley ikán ndaꞌa nda, saa chi̱naꞌa ra mií ra ya ki̱ndoo ra ndasa ra Seꞌe ra nduu ra sutu chee ni. Ta xaꞌa ya ndo̱ꞌo ni Seꞌe ra, yakan ndu̱u ra iin sutu ra vaꞌa ni, ta saa koo ra ndiꞌi saa tiempo ya vaxi.

HEBREOS 7:3

Ta tuꞌun Ndioxi köo káꞌan ya xaꞌa iva ra Melquisedec, ni xaꞌa siꞌí ra, ni xaꞌa na veꞌe ra köo káꞌan ya, ni kivi ka̱ku ra, ni kivi ndi̱xiꞌi ra köo xíni yo xaꞌa. Ta xaꞌa ya yóꞌó kua kúndaa ini yo ya kúu ra sutu tá kuꞌva íyo Seꞌe Ndioxi, chi Seꞌe Ndioxi ta ndiꞌi saa ichí, ndiꞌi saa kivi kúu ra sutu.

HEBREOS 9:26

Tá ndi̱kan Jesucristo tá kuꞌva i̱kan nda sutu ikán tá nuu kuiya, ta nda tá xa̱á xi̱koo ñuu ivi yóꞌó vi xíniñuꞌu ra kuvi ra kuaꞌa ni ichí, ndikuu. Sundi tiempo ya ku̱yati ndiꞌi xaꞌa ñuu ivi ndóo yo vitin kua ki̱xi ra, ta iindaa va ichí ndi̱taxi ra mií ra ndisoko ra mií ra xaꞌa yo, ta ya i̱kan ra saa ndi̱taxi ra mií ra ndaꞌa Ndioxi yakan si̱ndiꞌi xaꞌa ra kuachi yo.

1 Pedro 1:20

Tá täꞌan ka xikoo xaꞌa ñuu ivi yóꞌó vi kua ndi̱kaꞌan Iva yo Ndioxi xaꞌa Tata yo Jesucristo ya kuvi ra xaꞌa kuachi yo ñuu ivi yóꞌó. Saa tá xa kuaꞌan kúyati kivi sindiꞌi saa kua ti̱ꞌvi Ndioxi Tata yo Jesucristo ki̱xi ra ñuu ivi yóꞌó xaꞌa ya vaꞌa yoo chi kúꞌvi ni ini ra xíni ra yoo.

2 Pedro 3:3

Ya núnu̱ú xíniñuꞌu ni ndo kuñuꞌu ini ndo ku ya yóꞌó, ndá kuꞌva koo tá xa ku̱yati vaxi kivi sindiꞌi, chi kivi ikán kua koo kuaꞌa ni naꞌa, na ndikani ini ndisaa xaꞌa ya väꞌa, ya kútoo ni mií ikin kuñu na ikan na, ta na ikán ta kuaku ndaa na ndóꞌo̱.

Judas 1:18

Chi nda ikán ta ndi̱kaꞌan nda: “Tá xa ti̱ndaa kivi ya ndiꞌi xaꞌa ñuu ivi yóꞌó, ta koo kuaꞌa ni naꞌa, na kusiki ndaa Ndioxi, ta koo na tá kuꞌva kúni mií na, ikan ni na ya väꞌa kúni mií na”.