HEBREOS 1:11 - Xochapa Mixteco

¹¹ Ta ya íyo ñuu ivi yóꞌó ta vaxi tiempo ndiꞌi xaꞌa yaa ya, tá kuꞌva ndíꞌi xaꞌa toto tá kúyata ya, saa ndiꞌi xaꞌa ya. Sundi yóꞌo̱, ta nda iin tiempo ndïꞌi xaꞌa un.

HEBREOS 1:11 Mawu Ofanana

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Marcos 13:31

Chi vaxi kivi ta ndiꞌi xaꞌa ndivi xiꞌin ñuꞌú, sundi tuꞌun i ta nda iin ya ndïꞌi xaꞌa ―káchi Jesús.

San Lucas 21:33

Vaxi tiempo ta ndiꞌi xaꞌa ndiꞌi ñuu ivi yóꞌó tin ndivi, sundi tuꞌun i ta nda iin ya ndïꞌi xaꞌa, xinu ndiꞌi ya.

HEBREOS 12:27

Ta xiꞌin tuꞌun ya káꞌan ra “sitaan tuku ra”, xiꞌin ya ikán kua kúndaa teꞌe ini yo ya sindiꞌi xaꞌa ndiꞌi ra ñaꞌa ya si̱kuaꞌa ra ñuu ivi yóꞌó, ta ndisaa ya köo ndíꞌi xaꞌa kua ndoo koo.

HEBREOS 8:13

Tá tu káꞌan Ndioxi xaꞌa trato ya xa̱á ki̱ndoo ra xiꞌin yo vitin, ta kúni kachi ya, ya yata ta ya xa kuaꞌan ndíꞌi xaꞌa kua, yakan siloꞌo ni ta ndiꞌi vaꞌa va xaꞌa ya.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.

El Apocalipsis 2:8

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó ya ná kuꞌun ya ndaꞌa tatun Ndioxi ya ndáa naꞌa, na kándixa yeꞌe, nuu ndíkitaꞌan na xáa kaꞌnu na Ndioxi ñuu Esmirna. Ta yeꞌe káꞌan i xiꞌin na ikán, káchi i saa: Yeꞌe, ta táku i nda kivi núnu̱ú iin saa kutaku i nda kivi sindiꞌi. Yeꞌe kúu ra ndi̱xiꞌi ta ndi̱taku i, táku i vitin.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.

El Apocalipsis 21:1

Saa xi̱ni i ndu̱u xa̱á ndivi ni̱nù tin ñuu ivi yóꞌó. Ta köo ka ndivi núnu̱ú ndi̱xiyo ni ñuu ivi yóꞌó köo ka ya ndi̱xiyo, ni nduta ñûꞌu köo ka rá ndi̱xiyo.