HEBREOS 1:1 - Xochapa Mixteco

¹ Tá kuiya xinaꞌa ta kuaꞌa ni ichí tin kuaꞌa ni kuꞌva ndi̱kaꞌan Ndioxi xiꞌin xii sikua yo, ta ndi̱kaꞌan ra xiꞌin na tixin nda ndi̱kaꞌan ndoso tuꞌun yuꞌu ra.

HEBREOS 1:1 Mawu Ofanana

San Lucas 1:55

Tá íyo ya ndi̱kaꞌan Ndioxi xiꞌin xii sikua yo ra Abraham, saa íyo ya i̱kan ra xiꞌin yo na kúu seꞌe sikua ra. Nda iin kivi ndïndoso ini ra xaꞌa yo ―káchi yá María.

San Lucas 1:72

Saa chi kúndaꞌvi ni ini ra xíni ra iva yo ta köo ndi̱ndoso ini ra xaꞌa tuꞌun ya i̱í ndi̱kaꞌan ra xiꞌin xii sikua yo.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

San Juan 7:22

Saa íkan tu mií va ndo xáa chiñu ndo kivi ndíkundee ndo, chi tá ti̱ndaa una kivi ka̱ku seꞌe taa ndo, ta kuaꞌan ndo xiꞌin ya ndíkunuu tuni Ndioxi ya. Vani kivi ndíkundee ndo kua ta xáa sávi ndo ley ikán.

San Juan 9:29

Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

Los Hechos 13:32

’Yakan ndítuꞌun nde xiꞌin ndo tuꞌun vaꞌa ya ki̱ndoo Ndioxi xinaꞌa ikan ra xiꞌin xii sikua yo,

Los Hechos 2:30

Sundi ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ku̱ndaa ini ra xaꞌa tuꞌun ya ndi̱kaꞌan Ndioxi xiꞌin ra, nuu chi̱naꞌa ñaꞌa Ndioxi ya kaku iin taa tixin seꞌe sikua ra ñuu ivi yóꞌó, ta ra ikán ku ra ku Cristo, ra ndikunduꞌu nuu tai toꞌo nuu xi̱nduꞌu mií ra rey ikán.

Los Hechos 28:23

Ñaa ki̱ndoo na kivi ndá kivi kua ndi̱kaya na kuni soꞌo na kaꞌan ra. Ta kuaꞌa ka vi na ndi̱xaa nuu ra kivi ya ki̱ndoo na. Ñaa xa̱á ra ndítuꞌun ra xiꞌin na nuu ndíkuiin ra xaꞌa ichí ya xáꞌnda chiñu Ndioxi. Nda xitaan xa̱á ra káꞌan ra iin saa nda xikuaa. Síxinu ra ini na ya kundaa ini na xaꞌa Jesús, chi suvi xaꞌa ra kua ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

HEBREOS 11:18

tá ndi̱kaꞌan ra, káchi ra saa: “Tixin seꞌe un ra Isaac ndasa kuaꞌa ni i seꞌe sikua un”, ka̱chi Ndioxi xiꞌin ra.

HEBREOS 11:2

Xií yo na xi̱ndoo xinaꞌa, ta ka̱ndixa ni na Ndioxi, yakan nda ni mií ra ta vaꞌa ni káꞌan ra xaꞌa na.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 2:2

Ndikaꞌán ini ndo xaꞌa ley Ndioxi ya ta̱xi ra ndaꞌa na tatun ra ta na ikán ta̱xi ya ndaꞌa xii sikua yo ra Moisés. Ta ya ndi̱kaꞌan Ndioxi xiꞌin na ndi̱xiyo ndee ya si̱tixuꞌvi ni ya ndiꞌi naꞌa, na köo ndi̱xiin xaa súvi ya káꞌan ya.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

HEBREOS 3:5

Ta ra Moisés ku ra ndee ni vaꞌa xa̱a chiñu, ku̱u ra moso nuu na veꞌe Ndioxi, saa ndi̱kaꞌan ndoso ra Moisés nuu naꞌa xaꞌa ya ndi̱tuꞌun Ndioxi xiꞌin ra kaꞌan ra xiꞌin na kivi vaxi.

HEBREOS 4:8

Tá tu yachi nditaxi ra Josué nuu koo xií sikua yo ndikundee na, ndikuu, ta käꞌan ka Ndioxi xaꞌa kivi vitin ya taxi ka ra nuu ndikundee yo.

HEBREOS 5:5

Ta saa tu Cristo va, köo ndi̱ndasa ra mií ra sutu chee, sundi Ndioxi ku ra ta̱xi ichí ndaꞌa ra kúu ra sutu ra chee ni, saa chi ndi̱kaꞌan Ndioxi xaꞌa ra, káchi ra saa: Yóꞌo̱ ku Seꞌe i, ta yeꞌe ku Iva un, káchi ra xaꞌa Jesucristo.

HEBREOS 9:19

Tá sindiꞌi ra Moisés ndi̱kaꞌan ra xiꞌin na xaꞌa ley Ndioxi. Ta saa sa̱kanuu ra nií kiti cerra vali xiꞌin nií kiti tixuꞌu, sa̱ka ra rá xiꞌin tikuii, saa ti̱in ra iin ndaꞌa itun náni hisopo ka̱tun ra nu ikán xiꞌin kachi kuaꞌa. Saa ko̱ꞌni yuchi ra rá sata tutu nuu íyo ley Ndioxi, ta ko̱ꞌni tu ra rá sata naꞌa va.