Gálatas 6:4 - Xochapa Mixteco

⁴ Ta koto ndoso ndo mií ndo xaꞌa ñaꞌa íkan ndo, saa kusini ni ndo xiꞌin ya íkan ndo. Tá tu vaꞌa ni ka íkan ndo ndá ka chiñu túvi ndo, ta käꞌan ndo xaꞌa ya íkan inka naꞌa.

Gálatas 6:4 Mawu Ofanana

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

1 Corintios 11:28

Yakan kuenta ni koo ndo xiꞌin mií ndo, xiꞌna koto ndoso ndo mií ndo, án vaꞌa íyo ndo nuu Tata yo, ta saa kuxi ndo tin koꞌo ndo vino.

1 Corintios 3:14

Tá tu vaꞌa ni si̱kuaꞌa na veꞌe xiꞌin ñaꞌa ya köo ndíꞌi xaꞌa xiꞌin ñu̱ꞌu̱, ta kuꞌva saa kiꞌin na yaꞌvi na.

1 Corintios 3:8

Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 13:5

Yakan vaꞌa koto ndoso ndo mií ndo ndá kuꞌva íyo ndo, ta saa kua vaꞌa kundaa ini ndo án ndinuꞌu ini ndo kándixa ndo Jesucristo. Tá vaꞌa ka̱na ndo ya xi̱to ndoso ndo mií ndo, ta saa kua kúndaa ini ndo ya ndixa kua kándixa ndo ra, ta íyo ra xiꞌin ndo. Tá tu köo vaꞌa ndíkana ndo, ta kúni kachi ya köo kándixa ndo ra, ta köo íyo ra xiꞌin ndo.

Gálatas 6:13

Ta nda káꞌan xiꞌin ndo ya ndikunuu tuni Ndioxi ndóꞌo̱ ya xaa súvi ndo ley Ndioxi ya ta̱a ra Moisés, ni mií nda ta köo kúchiñu nda xaa súvi nda ndiꞌi ya káꞌan ley. Sundi kúni nda ná xaa súvi ndóꞌo̱ ya, ta saa kuchiñu ndikunuu vaꞌa tuꞌun nda, xaꞌa ya xa̱a nduxa nda xiꞌin ndo ndi̱kunuu tuni Ndioxi ikin kuñu ndo.

Filipenses 1:26

Tá ná xaa tuku i koto i ndóꞌo̱, ta kusini ni ndo, chi kuni soꞌo ndo ya vaꞌa i̱kan Tata yo Jesucristo xiꞌin i, ta saa xaa kaꞌnu ni ndo ra.