Gálatas 6:3 - Xochapa Mixteco

³ Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.

Gálatas 6:3 Mawu Ofanana

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

Los Hechos 5:36

Ndikaꞌán ini ndo, saa ku̱u yachi ndi̱kuita iin ra náni Teudas ta chiñu ndee ni kúu mií ra, káchi ra xiꞌin naꞌa. Ta kuaꞌa ni naꞌa ta̱a sii ra xi̱ndikun sata ra. Iin kuꞌva kumi ciento kuu taa nda xi̱ndikun sata ra. Ñaa ndi̱xiꞌi ra ta ndi̱ndoo ndaꞌa ndiꞌi nda xi̱ndikun sata ra, ta nda iin ya köo ndi̱kuu.

ROMANOS 12:16

Ta vívií koo ndo xiꞌin taꞌan ndo, käni taꞌan ndo. Kütai ni ini ndo nuu naꞌa, vívií koo ndo xiꞌin na, ta saa ikan ndo xiꞌin ndiꞌi na, ni na ndáꞌvi ku na, ta koto vií ndo na. Ta ndäsa xíni ni ka ndo mií ndo nuu inka naꞌa.

ROMANOS 12:3

Xaꞌa ya vaꞌa ni Ndioxi ta si̱niꞌi uun ra nuu i káꞌan i xiꞌin ndo, yakan xíkan ni i ya mani nuu ndo ndïkani ini ndo ya vaꞌa ni ka mií ndo nuu inka naꞌa. Vaꞌa ka kiꞌin ni ndo kuenta ndá kuꞌva ndíkani ini ndo xaꞌa mií ndo. Ta ndáꞌvi, ndáꞌvi ndikani ini ndo, ikan ndo tá kuꞌva íyo ya vaꞌa ta̱xi Ndioxi ndaꞌa iin iin ndo ya kándixa ndo ra.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

1 Corintios 8:2

Tá ndíkani ini sava naꞌa ya xíni ni na túvi na, ta ni köo xíni na tá kuꞌva xíniñuꞌu na kundaa vaꞌa ka ini na.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.

2 Corintios 3:5

Ta köo kúni kaꞌan nde xaꞌa ya ndíchi ni kúu mií nde, yakan vaꞌa ni íkan nde saa chi süvi saa íyo ya. Ndiꞌi ya íkan nde ta nuu mií Ndioxi kua vaxi ndiꞌi ndee ndaꞌa nde ya íkan nde saa.

Gálatas 2:6

Ta nda ñani yo ndóo ñuu Jerusalén, nda kúnaꞌnu, ndíso chiñu xiꞌin na veꞌe ñuꞌu, ta nda iin ya köo ndi̱kaꞌan nda xiꞌin i ya nama i kuꞌva sínaꞌa i naꞌa. Ta saa ni yeꞌe ta köo xíka ini i xaꞌa ya káꞌan nda, ni nda naꞌnu ni va ku nda. Saa chi nuu Ndioxi ta iin káchi íin ndiꞌi va yo ivi yóꞌó nuu ra.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

Santiago 1:22

Ta süvi ndisaa xíniñuꞌu ndo kuni soꞌo ndo tuꞌun Ndioxi. Ndóꞌo̱ ta xíniñuꞌu ndo xaa súvi ndo ya káꞌan ya. Chi tá ndisaa xíni soꞌo ndo ya, ta köo xáa súvi ndo ya káꞌan ya, ta síndaꞌvi ndo mií va ndo.

Santiago 1:26

Tá ndá ndóꞌo̱ ndíkani ini ndee ni vaꞌa kándixa ndo Ndioxi, ta köo ndi̱xita ndo mií ndo nuu ya väꞌa káꞌan ndo, ta síndaꞌvi ndo mií va ndo, chi süvi ya ndaa kua káꞌan ndo ndíkun ndo Ndioxi.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.