Gálatas 6:18 - Xochapa Mixteco

¹⁸ Ñani yo, mií Tata yo Jesucristo ná chikaa ni ya vaꞌa ndóꞌo̱. Saa ná koo.

Gálatas 6:18 Mawu Ofanana

Los Hechos 1:15

Iin kivi ndi̱kitaꞌan ndiꞌi na kándixa Jesús ndóo na, iin kuꞌva ciento oko ku na ndóo. Ta saa ndi̱kundichi ra Pedro tañu na, ñaa xa̱á ra káꞌan ra xiꞌin na, káchi ra saa:

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

Gálatas 3:15

Ñani yo, ná kaꞌan i xiꞌin ndo ndá kuꞌva íkan mií yo ivi yóꞌó tá kivi kíndoo yo sixinu yo ndá ka chiñu: Tá íyo iin naꞌa ndítuꞌun taꞌan na xaꞌa iin chiñu ikan na xiꞌin taꞌan na, ta saa síkuaꞌa na iin tutu nuu kíndoo na xiꞌin taꞌan na. Tá xa ndi̱kuaꞌa tutu ikán ta sindiꞌi ta nda iin ka naꞌa küvi kindaa ya ki̱ndoo na nuu ya, ta ni küvi tiso ka na ya kúni mií na nuu ya, ni küvi tu ndikuaa na ya káꞌan va ya.

Gálatas 4:12

Xaꞌa ya ikán kua xáku ndaꞌvi i nuu ndo ñani yo, ya ná nduu ndo tá kuꞌva íyo yeꞌe, chi yeꞌe ta xa ndu̱u i tá kuꞌva íyo mií ndo köo kúu judío, ta ïkan ka ndo taꞌan ñaꞌa ya íkan ley nde judío. Chi yo kándixa Jesucristo ta xa ndi̱saña ndíka yo nuu ndiꞌi ya ñaa, ta saa kúni i ná koo ndo. Saa chi ndóꞌo̱ ta nda iin ya väꞌa köo ndi̱kan ndo xiꞌin i.

Gálatas 4:28

Ñani yo, kuꞌva saa kua ka̱ku ra Isaac seꞌe ra Abraham. Ta saa ndiꞌi yo kándixa Jesucristo tá íyo ra Isaac, saa íyo ndiꞌi yo, chi si̱xinu Ndioxi ya ki̱ndoo ra xiꞌin ra Abraham.

Gálatas 6:1

Ñani yo, ndóꞌo̱ xa xuxa ini, ndóꞌo̱ vaꞌa ni xáa súvi ya kúni mií Tachi I̱í Ndioxi, ta án sana ndá na taꞌan yo kóyo nuu kuachi, íkan na ya väꞌa. Ta vaꞌa kuyati ndo nuu na ya chindee taꞌan ndo xiꞌin na, ta vívií kaꞌan ndo xiꞌin na ya ná sindikoo na ya väꞌa íkan na. Ta saa kuenta ni koo ndo chi ìyo ni koyo tu mií va ndo nuu kuachi.

2 Timoteo 4:22

Ta mií Tata yo Jesucristo ná koo xiꞌin un. Saa ná chikaa ni Iva yo Ndioxi ya vaꞌa ndiꞌi ndo.

FILEMÓN 1:25

Mií Tata yo Jesucristo ná chikaa ni ya vaꞌa ini ndo. Saa ná koo.

El Apocalipsis 22:21

Ta Jesucristo ra chee nuu yo ná ikan ra ya vaꞌa xiꞌin ndo. Saa ná koo.