Gálatas 6:16 - Xochapa Mixteco

¹⁶ Ta saa ná koo ni ya vaꞌa xiꞌin ndo, xiꞌin ya kúndaꞌvi ini Ndioxi xíni ra ndiꞌi ndóꞌo̱ na kúu ñuu Ndioxi, na xáa súvi ni ya káꞌan i xiꞌin ndo.

Gálatas 6:16 Mawu Ofanana

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 4:12

Ta saa tu mií yo judío, yo íyo tuni Ndioxi, seꞌe ñani sikua ra Abraham ku tu mií va yo, tá tu kándixa yo Ndioxi tá kuꞌva ka̱ndixa ñaꞌa ra. Ta kuꞌva saa ná kandixa yo Ndioxi tá kuꞌva ka̱ndixa mií ra yachi tá täꞌan ka kuu mií ra tuni Ndioxi.

Gálatas 1:3

Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, ná taxi ni ra ya vaꞌa koo ya ini ndo ta saa ná koo vaꞌa ni ini ndo.

Gálatas 3:29

Ta xaꞌa ya xa i̱in ndu̱u yo xiꞌin Cristo yakan kua vaꞌa kúu yo seꞌe ñani sikua ra Abraham, ta kúu mií yo ichí ndikiꞌin yo ñaꞌa, ya ki̱ndoo Ndioxi taxi ra ndaꞌa ra Abraham.

Gálatas 5:16

Xaꞌa ya ñaa kua ndíkani i nuu ndo xiꞌin tuꞌun yóꞌó: Taxi ndo ná kaꞌnda chiñu Tachi I̱í Ndioxi nuu ndo, ta täxi ka ndo ikan ikin kuñu ndo ya väꞌa kúni mií ya ikan ya.

Gálatas 5:25

Tá tu íyo Tachi I̱í Ndioxi xiꞌin yo, ta saa ná taxi yo kaꞌnda chiñu Tachi I̱í ra nuu yo.

Efesios 6:23

Ñani yo, mií Ndioxi ná taxi ni ya koo vaꞌa ini ndo, ta ná kundaa ni ini ndo kuni ndo ra xiꞌin ya kúꞌvi ni ini ra xíni ra ndóꞌo̱, ta saa ná koo Tata yo Jesucristo xiꞌin ndo ndiꞌi saa ichí.

Filipenses 3:16

Sundi ya xa ku̱ndaa ini yo xaꞌa yóꞌó kua xíniñuꞌu ni yo xaa súvi yo vitin taan, ta saa ná ikan yo xiꞌin taꞌan yo.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

Filipenses 4:7

Ta saa taxi Ndioxi ya koo vaꞌa ini ndo, chi iindaa ya vaꞌa táxi Ndioxi kua ndee ni vaꞌa, ta nda iin yo küchiñu xinu kundaa ini xiꞌin ya, ta ya ikán kua kundaa nima ndo xiꞌin ya xínituni ndo, xaꞌa ya kúu ndo kuenta Tata yo Jesucristo.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

Judas 1:2

Ta ná niꞌi kuaꞌa ni ndo ya vaꞌa nuu Iva yo Ndioxi, ra kúndaꞌvi ni ini xíni ndóꞌo̱, saa ná koo vaꞌa ni ini ndo.