Gálatas 6:15 - Xochapa Mixteco

¹⁵ Saa chi tá tu xaa iin ndu̱u yo xiꞌin Cristo ta ni köo ndáa yaꞌvi ka ya kúu mií yo tuni Ndioxi án köo ya kúu mií yo. Iindaa ya ndee ni ndáa yaꞌvi kua nda̱sa xa̱á Ndioxi yoo ndu̱u yo naꞌa, na xa̱á.

Gálatas 6:15 Mawu Ofanana

ROMANOS 2:26

Sundi tá íyo naꞌa, vani süvi na judío ku na, ta xaꞌa ya xáa súvi ni na ya kúni Ndioxi, ta na ikán ku na íin tá íin naꞌa, na kúu mií tuni Ndioxi.

ROMANOS 2:28

Chi süvi ndisaa xaꞌa ya kúu mií na tuni Ndioxi ikin kuñu na kua ndúu na judío. Sundi tuni Ndioxi, ya ndixa, ta köo íyo ya ndisaa ikin kuñu na.

ROMANOS 6:4

Saa chi Jesucristo ta ndi̱xiꞌi ra saa ndi̱nduxin ra. Ta saa mií yo tá chíchi yo ta tá íin yo xíꞌi ta ndúxin yo xiꞌin ra, saa íin yo. Tá kuꞌva si̱taku Iva yo Ndioxi Jesucristo xiꞌin ndee chee ni kúu mií ra, saa íyo ya i̱kan ra xiꞌin yo. Saa chi xaꞌa ya iin káchi ndi̱taku yo xiꞌin Jesucristo ta ndu̱u yo naꞌa na xa̱á, yakan xa síin koo yo, vívií ná koo yo nuu Ndioxi.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

1 Corintios 7:19

Chi köo ndáa yaꞌvi ya án íyo tuni Ndioxi nda án köo ya kúu mií nda. Ya ndee ni ndáa yaꞌvi ka kua ná xaa súvi yo ya xáꞌnda chiñu Ndioxi nuu yo.

2 Corintios 5:17

Saa chi ndiꞌi yo xa ndi̱kitaꞌan xiꞌin Cristo, ta ndu̱u yo na xa̱á i̱kan Ndioxi. Ndiꞌi kuꞌva ya väꞌa, ya yata ndi̱xiyo ini yo, ta xa ki̱ndoo ndiꞌi ya chí sata.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 2:15

Ta xaꞌa ya ndi̱xiꞌi ra nuu cruzin kua si̱ndiꞌi xaꞌa ra ley ya si̱ndikoo ra Moisés. Ni uvi ñuu ndi̱xiyo yo xiꞌin taꞌan yo, ta nda saa ku nuu nda̱sa ra yoo ndu̱u yo iin ñuu xa̱á xiꞌin ra vitin. Ikán ku nuu si̱kitaꞌan mani ra yoo xiꞌin taꞌan yo.

Efesios 4:24

Ta xaꞌa ya ndu̱u ndo naꞌa, na xa ndu̱xaa ini tá kuꞌva kúni mií Ndioxi, ta saa kua ndu̱u ndo tá íin naꞌa, na köo ka kuachi kúu mií nuu ra, ta ndu̱u ndo naꞌa, na i̱í xaꞌa ya ku̱ndaa ini ndo ya ndaa xaꞌa ra.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

El Apocalipsis 21:5

Saa ndi̱kaꞌan ra índuꞌu nuu tai toꞌo, káchi ra saa: ―Ndasa xa̱á ndiꞌi i ñaꞌa ya si̱kuaꞌa i yachi. Saa ndi̱kaꞌan tuku ra xiꞌin i, káchi ra saa: ―Taa tuꞌun ya káꞌan i xiꞌin un, chi ya ndaa ni ndixa ku ya káꞌan i xiꞌin un ―káchi ra xiꞌin i.