Gálatas 6:10 - Xochapa Mixteco

¹⁰ Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Gálatas 6:10 Mawu Ofanana

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 5:43

ꞌSaa ndi̱kaꞌan tuku Jesús káchi ra saa: ―Xa xi̱ni soꞌo ndo ya ndi̱kaꞌan nda maestro xinaꞌa, ka̱chi nda saa: “Kuꞌvi ini ndo kuni ndo na taꞌan ndo, ta kundasi nuu ndo kuni ndo na sáa ini xíni ndóꞌo̱”, káchi nda maestro si̱naꞌa nda.

San Marcos 3:4

Sindiꞌi saa ndi̱ndakan tuꞌun Jesús nda, káchi ra saa: ―¿Unkua káꞌan ley Ndioxi xaꞌa kivi i̱í ya ndíkundee yo? ¿Ndá ñaꞌa kua kúu mií yo ichí ikan yo? ¿Án ya vaꞌa án ya väꞌa xíniñuꞌu yo ikan yo? ¿Án yo sindiꞌi xaꞌa ku yo naꞌa, án na sikaku yo ku na? ¿Unkua káchi ndóꞌo̱ xaꞌa kivi i̱í? ―káchi ra xiꞌin nda. Tá ndi̱kaꞌan ra saa, ta nda iin nda köo ndi̱kuiin yuꞌu ra.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.

Los Hechos 6:7

Ta ndiꞌi ni kúu xíta tuꞌun xaꞌa Jesús kuaꞌan ya, xa̱á ndúkuaꞌa na ndíkun ichí ra mi ñuu Jerusalén. Nda mií nda sutu nuu na judío kuaꞌa ni nda xa̱á kándixa Jesús.

2 Corintios 2:8

Ta xíkan ni i ya mani nuu ndo ya xaa vií ndo xiꞌin ra ná kuni ra ya ndee ni kúꞌvi ini ndo xíni ndo ra.

Gálatas 1:23

Takua xi̱ni soꞌo na tuꞌun xaꞌa i ya ndítuꞌun inka naꞌa xiꞌin na, káchi na saa: “Taa, ra ndee ni xi̱ndikun yoo veꞌe ñuꞌu ndi̱xiyo ra, saa xa̱a ndikuu ni ra xiꞌin yo, ta vitin xíka ra káꞌan ndoso ra xaꞌa tuꞌun vaꞌa ikán, ya ku̱ni ni ra sindiꞌi ra xaꞌa”, káchi na xaꞌa i.

Efesios 2:19

Xaꞌa ya ñaa kua, ndóꞌo̱ ta köo kúu ka ndo na ke̱e inka ñaꞌñu ñuu xíka ni, ta ni köo kúu ka tu ndo naꞌa, na xíka tá ñuu tá ñuu, chi xa iin ndu̱u ndo xiꞌin na ñuu Ndioxi, na i̱í, ta iin veꞌe ndu̱u yo xiꞌin taꞌan yo xaꞌa ra.

Efesios 3:15

chi tixin mií ra kua níꞌi ndiꞌi yo ndóo ñuu ivi yóꞌó kivi yo ya ndaa, ta saa tu na ndoo nuu ndivi va.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

Efesios 5:16

Yakan vaꞌa xaa nduxa ndo ya xaa súvi ndo ya kúni Ndioxi, chi kuaꞌa ni nuu ya väꞌa íyo ñuu ivi yóꞌó vitin.

Filipenses 4:10

Ta táxi ni i tixaꞌvi ndaꞌa Tata yo Jesucristo chi ndóꞌo̱ ta tuku xa̱á ndo ndíꞌi ni ini ndo xaꞌa i, ta vitin si̱naꞌa ndo mií ndo kuꞌva ndíꞌi ini ndo xaꞌa i ya chi̱tuvi ndo yeꞌe, chi̱ndee ndo yeꞌe xaꞌa ñaꞌa ya xíniñuꞌu i. Chi yachi ta köo ndi̱kuchiñu ndo chindee taꞌan ndo xiꞌin i tá kuꞌva chíndee ndo yeꞌe vitin.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

1 Tesalonicenses 5:15

Kuenta koo ndo, sïndiko koo ndo ya väꞌa nuu taꞌan ndo. Ndisaa ya vaꞌa ikan ndo xiꞌin taꞌan ndo, saa ikan ndo xiꞌin ndiꞌi naꞌa.

1 Tesalonicenses 5:21

Sundi koto ndoso ndo ndiꞌi tuꞌun ya káꞌan na xiꞌin ndo sínaꞌa na ndóꞌo̱, tá tu ya ndaa kua ta ndikiꞌin ndo ya.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

3 Juan 1:10

Xaꞌa ya ñaa kua kúni i kaꞌan i xiꞌin ra tá ná xaa i ñaa, saa chi väꞌa íkan ra xíka ra xiꞌin cuento vata xaꞌa nde. Ta süvi ndisaa ya yóꞌó kua íkan ra, chi nda na taꞌan yo na xáa veꞌe ra ta köo xíin ra ndikuiso vií ra na, tá ndá na kúni ndikuiso ñaꞌa, ta köo táxi ra ndikuiso ñaꞌa na, ta saa táxin ra na kána koo na veꞌe ñuꞌu.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.

3 Juan 1:3

Ku̱sini ni i tá ki̱xi sava na taꞌan yo, chi ndi̱tuꞌun na xiꞌin i xaꞌa un ya ndinuꞌu ni ini un xíka un ichí ya ndaa.