Gálatas 5:9 - Xochapa Mixteco

⁹ Ta kuenta ni koo ndo ndïndoso ini ndo ya káꞌan xaꞌa nda vata ñaa: “Chi tá kúu uxan iyá ta loꞌo paꞌa tíin va ya táan naꞌa xiꞌin iin koꞌndo chee uxan xita vaꞌa ta ndee ni va sínañu ñaꞌa ya”.

Gálatas 5:9 Mawu Ofanana

San Mateo 13:33

Saa ndi̱tuꞌun ka Jesús xiꞌin nda inka tuꞌun ndíchi, káchi ra saa: ―Ichí nuu xáꞌnda chiñu Ndioxi tá kuꞌva káa uxan iya, ya chíkaa na xiꞌin uxan xita vaꞌa, saa káa ya. Ni loꞌo ni uxan iya chíkaa iin yá ñaꞌa xiꞌin uxan xita vaꞌa yá, ta kuaꞌa ni ndúu ya, ndínañu ni ya ―káchi Jesús xiꞌin nda.

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 13:21

Saa xa̱á ra káꞌan ra, káchi ra saa: ―Tá káa uxan iya ya sákanuu iin ñaꞌa xiꞌin uxan xita vaꞌa, ndítaꞌvi yá ya ndúu ya uni koꞌndo saa tíseꞌe yá ya. Ta saa káa ichí nuu xáꞌnda chiñu Ndioxi. Vani loꞌo ni uxan iyá táan yá xiꞌin uni koꞌndo naꞌnu ta ndee ni sínañu ñaꞌa ya ―káchi Jesús xiꞌin na.

1 Corintios 15:33

Ta ndóꞌo̱, ¡täxi ndo sindaꞌvi naꞌa ndóꞌo̱! Tá káchi na káꞌan: “Tá ítaꞌan vaꞌa ni yo xiꞌin naꞌa, na íkan ya väꞌa, ta ìyo ni sixinu na ini yo ikan yo ya väꞌa, tá kuꞌva íkan mií na”.

2 Timoteo 2:17

Saa chi tuꞌun ya sínaꞌa na íkan saa, ta tá káa iin kueꞌe táꞌi nuu xáa tindoo ya xiꞌin na, saa káa ya, kama ni xíta niꞌnu ndiꞌi ya kuaꞌan ya kuñu na. Ta ra Himeneo xiꞌin ra Fileto ku nda si̱naꞌa kuꞌva saa.