Gálatas 5:7 - Xochapa Mixteco

⁷ Ta ndóꞌo̱, ta vaꞌa ni va xa̱a súvi ndo ndi̱xika ndo ichí ra ya ndaa. Ta ¿unku na si̱ndaꞌvi ndóꞌo̱ ya kündikun ka ndo ichí ra?

Gálatas 5:7 Mawu Ofanana

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

Los Hechos 6:7

Ta ndiꞌi ni kúu xíta tuꞌun xaꞌa Jesús kuaꞌan ya, xa̱á ndúkuaꞌa na ndíkun ichí ra mi ñuu Jerusalén. Nda mií nda sutu nuu na judío kuaꞌa ni nda xa̱á kándixa Jesús.

ROMANOS 10:16

Ta saa ni, süvi ndiꞌi na Israel ndi̱xiin kuni soꞌo tuꞌun vaꞌa xaꞌa Jesucristo. Tá i̱kan na xinaꞌa tá ndi̱kaꞌan ra profeta Isaías xaꞌa na xiꞌin Ndioxi, káchi ra: “Tata, ¡ni köo naꞌa xíin kandixa tuꞌun un ya káꞌan nde xiꞌin na!”, káchi ra Isaías.

ROMANOS 15:18

Süvi xaꞌa ya íkan mií i kua ndítuꞌun i xaꞌa xiꞌin ndo, chi xaꞌa ya íkan Jesucristo chíndee ra yeꞌe ndítuꞌun i xaꞌa ra xiꞌin naꞌa, na köo kúu judío, ya ná kuni soꞌo na tuꞌun ra, ta xaa súvi na ya kúni Ndioxi. Ta xa xáa súvi na ya káꞌan i xiꞌin na, ta süvi ndisaa ya káꞌan i xiꞌin na kua íkan na saa, chi xíto tu na ya íkan i xiꞌin va na, yakan vaꞌa xáa súvi na ya káꞌan Ndioxi.

ROMANOS 16:26

Vitin táxi Ndioxi ya kundaa ini naꞌa xiꞌin tuꞌun ya ta̱a nda profeta, nda ndi̱kaꞌan ndoso tuꞌun yuꞌu Ndioxi xinaꞌa. Saa chi Ndioxi, ra táku ndiꞌi saa kivi, ta kúni ra ná kundaa ini ndiꞌi ni kúu naꞌa, na köo kúu judío xaꞌa tuꞌun ra. Saa kuchiñu na kandixa ni na ra, ta xaa súvi na ya káꞌan ra.

ROMANOS 2:8

Sundi sava naꞌa, na ikú ni ini, na köo xíin ikan ya vaꞌa, ndisaa ya väꞌa kúni na ikán na, na ikán ta kundoꞌo ni na ikan Ndioxi chi sáa ni ini ra xíni ra na, yakan yáꞌa ni xaa nduvaꞌa ra xiꞌin na.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

1 Corintios 9:24

Ta xa kúndaa vaꞌa ini ndo, naꞌa na xínu nuu kéꞌe taꞌan na, ta kuaꞌa ni va ku na xínu, ta süvi ndiꞌi na níꞌi ñaꞌa, iindaa va ku na kúchiñu níꞌi ya. Ta saa ndóꞌo̱, ndinuꞌu ni ini ndo xaa súvi ndo ya kúni Ndioxi, tá kuꞌva íkan na kéꞌe taꞌan saa ikan ndo ndakua ná ndikiꞌin ndo ñaꞌa ya niꞌi ndo nuu Ndioxi.

2 Corintios 10:5

Ta suvi xiꞌin ndee Ndioxi kua kuchiñu nde sindiꞌi xaꞌa nde ndiꞌi tuꞌun väꞌa ya kánaꞌa naꞌa xaꞌa nde. Ta kuꞌva soꞌva kua kúchiñu nde síndiꞌi xaꞌa nde ndiꞌi ñaꞌa ya ndee ni xáa tai ini naꞌa, chi köo táxi ya kundaa ini na xaꞌa Ndioxi. Ta saa sínaꞌa nde na ya ná nditaxi ndiꞌi na ya ndíchi ndíkani ini na ndaꞌa Jesucristo, saa kua kuchiñu na xaa súvi na ya kúni mií ra.

Gálatas 2:2

Ndi̱xaꞌan i ñuu Jerusalén, saa chi saa íyo ya si̱naꞌa Ndioxi nuu i ya xíniñuꞌu i kuꞌun i. Saa ndi̱kitaꞌan i xiꞌin ndisaa mií nda ñani yo, nda ínuu tuꞌun ndíso chiñu xiꞌin veꞌe ñuꞌu ñuu Jerusalén. Ta ndi̱tuꞌun i xiꞌin nda xaꞌa tuꞌun vaꞌa ya ndíkani i xaꞌa Tata yo Jesucristo nuu naꞌa, na köo kúu judío. Ndi̱tuꞌun teꞌe i xiꞌin nda ya ná kundaa ini nda ya köo ndi̱nama i tuꞌun ya ndítuꞌun i xiꞌin naꞌa xaꞌa Jesucristo, chi köo kúni i xaa chiñu uun i, tá tu köo íyo yuꞌu nda xiꞌin i xaꞌa chiñu íkan i.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

Gálatas 5:10

Ta yeꞌe, ta kándixa i ya chindee Ndioxi ndóꞌo̱ ya kundaa ini ndo, ya ná kändixa ndo ya káꞌan nda vata ñaa xiꞌin ndo. Chi nda ñaa ku nda sáka ini ndo xaꞌa ñaꞌa ya káꞌan nde xiꞌin ndo, ta vaꞌa chi mií Ndioxi ku ra sindoꞌo ini nda xaꞌa ya íkan nda saa, án ndá ka mií naꞌa kúu va na, ta saa ikan ra xiꞌin na.

2 Tesalonicenses 1:8

Ta ndiko koo ra tañu ñu̱ꞌu̱, ya ndee ni xíxi, saa xaa nduvaꞌa ni ra xiꞌin naꞌa, na köo ndi̱xiin ndikuni Ndioxi, ni köo ndi̱xíin na kuni soꞌo na tuꞌun vaꞌa xaꞌa Tata yo Jesucristo.

HEBREOS 11:8

Xaꞌa ya xi̱ndaa ni ini ra Abraham xi̱ni ra Ndioxi kua xa̱a súvi ra chiñu ya ndi̱kaꞌan Ndioxi xiꞌin ra. Saa ke̱ta ra kuaꞌan ra koo ra inka ñuu nuu ki̱ndoo Ndioxi xiꞌin ra taxi ra ya ndaꞌa ra koo ra xiꞌin seꞌe ra, ta ni köo kúndaa ini ra ndá ñaꞌñu kua kuaꞌan ra.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.