Gálatas 5:26 - Xochapa Mixteco

²⁶ Ta saa ná küu yo naꞌa, na ndee ni kútai ini, ni ná sïsaa yo ini taꞌan yo ya kani taꞌan na xiꞌin taꞌan na, saa ná chïkaa yo ya uni xiꞌin taꞌan yo.

Gálatas 5:26 Mawu Ofanana

San Lucas 14:10

Ta ïkan ndo saa. Tá kuaꞌan ndo nuu viko, ta nda kaꞌa kuꞌun ndo kundoo ndo, saa xaa mií ra ka̱na ndóꞌo̱ ikán kaꞌan ra xiꞌin ndo: “Kuayaꞌa ndo chí nuu ndóo na naꞌnu yóꞌó kundoo ndo, migo”, kachi ra xiꞌin ndo. Saa kuni na ndóo nuu mesa ikán ta kaꞌan vaꞌa na xaꞌa ndo.

1 Corintios 3:7

Yakan kua ni köo ndáa yaꞌvi ya unku nde chíꞌi ta unku nde kóso ya. Ya ndee ni ndáa yaꞌvi ku ya íkan Ndioxi, chi mií ra ku ra táxi xáꞌnu ñaꞌa chíꞌi nde.

Gálatas 5:15

Sundi tá kánitaꞌan ndo xiꞌin taꞌan ndo, xáa nduvaꞌa ndo xiꞌin taꞌan ndo, ta ndóꞌo̱ síndiꞌi xaꞌa taꞌan mií va ku ndo.

Filipenses 4:15

Ndóꞌo̱, na ñuu Filipos, ta xa xíni vaꞌa ndo chi tá ke̱ta i ñuu ndo mií estado Macedonia ñaa kuaꞌan i, tá sikan xa̱á i ndítuꞌun i tuꞌun vaꞌa xaꞌa Tata yo xiꞌin naꞌa, ta ndisaa ndóꞌo̱, na veꞌe ñuꞌu, ndóo ñaa ku ndo chi̱ndee taꞌan ni xiꞌin i.

Santiago 4:16

Sundi ndóꞌo̱ ta káꞌan tái ni va ndo, tá káꞌan naꞌa, na iku ni ini va saa káꞌan ndo, chi mií vi ndo ku ndo xáꞌnda chiñu nuu kivi ya vaxi túvi ndo, ta xaꞌa ya íkan ndo saa, ta väꞌa káꞌan ndo.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.