Gálatas 5:16 - Xochapa Mixteco

¹⁶ Xaꞌa ya ñaa kua ndíkani i nuu ndo xiꞌin tuꞌun yóꞌó: Taxi ndo ná kaꞌnda chiñu Tachi I̱í Ndioxi nuu ndo, ta täxi ka ndo ikan ikin kuñu ndo ya väꞌa kúni mií ya ikan ya.

Gálatas 5:16 Mawu Ofanana

ROMANOS 6:12

Täxi ndo kaꞌnda chiñu kuachi ndo nuu ikin kuñu ndo, ta ni xäa súvi ndo ya väꞌa ya kútoo ni ya ikan ya, chi ya ndíꞌi xaꞌa va ku ikin kuñu ndo.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

1 Corintios 7:29

Ta yeꞌe kúni i kaꞌan i ya yóꞌó xiꞌin ndo: Xa kama ni va kuaꞌan ndíꞌi tiempo ya ndóo yo, yakan tá kúu ndóꞌo̱ taa ta kündiꞌi ini ndo xaꞌa ná síꞌi ndo, kundiꞌi ni ka ini ndo xaa chiñu ndo xaꞌa Tata yo Jesucristo, chi xa kama ni ndiko koo ra.

2 Corintios 7:1

Ta saa ñani mani yo, xa ndi̱kaꞌan Ndioxi xiꞌin yo ya ki̱ndoo ra xiꞌin yo, yakan ná kundaa ni yo mií yo, ná kuxika yo nuu ndá ka ñaꞌa väꞌa, ya xáa yakua ikin kuñu yo xiꞌin ya vaꞌa yo. Ná nditaxi ndiꞌi yo mií yo ndaꞌa Ndioxi, ya xaa toꞌo yo ra, saa kua nduu yo na i̱í nuu ra.

Gálatas 3:17

Ta ya káꞌan i xaꞌa xiꞌin ndo ta xa yachi ka vi ki̱ndoo Ndioxi xiꞌin ra Abraham, täꞌan ka vi xikoo ley ya ta̱a ra Moisés tá ndi̱kaꞌan Ndioxi saa xiꞌin ra. Nda sindiꞌi tá ndi̱yaꞌa kumi ciento oko uxi kuiya, saa vi kua ta̱xi Ndioxi ley ndaꞌa ra Moisés. Xaꞌa ya ikán kua köo ndi̱kuchiñu ley ikán ndinama ya tuꞌun ya xa ki̱ndoo Ndioxi xiꞌin ra Abraham.

Gálatas 6:8

Saa chi ndiꞌi naꞌa chíꞌi ya kúni ikin kuñu na, ta kuꞌva saa koo ñaꞌa ndikiꞌin na, ndikiꞌin na ya ndiꞌi xaꞌa na kuvi na. Sundi naꞌa, na chíꞌi ya kúni Tachi I̱í Ndioxi, ta niꞌi na nuu Tachi I̱í ra kutaku na ndiꞌi saa tiempo.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Colosenses 2:11

Ta xaꞌa ya xa ndu̱u ndo iin xiꞌin Tata yo Jesucristo kua kúu mií ndo tuni Ndioxi, ta süvi xiꞌin ndaꞌa na ivi yóꞌó kua ndíkunuu tuni Ndioxi ndóꞌo̱, chi mií Ndioxi ku ra chi̱nuu ya ndóꞌo̱. Xaꞌa ya si̱kaku Tata yo Jesucristo ndóꞌo̱ kua ndi̱saña ndo nuu ndee ya väꞌa ku̱u mií ndo ikin kuñu ndo.

1 Pedro 1:14

Yachi ta köo ndi̱kundaa ini ndo xaꞌa tuꞌun ra, yakan ke̱ꞌe ndo ya väꞌa nuu ra, sundi vitin ta ndu̱u ndo seꞌe ra, na xáa súvi ni ya kúni ra, yakan köo xíniñuꞌu ka ndo koo ndo tá kuꞌva ndi̱xiyo ndo yachi.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

1 Pedro 4:6

Xaꞌa ya ñaa kua xa ndi̱kaꞌan ndoso naꞌa tuꞌun vaꞌa xaꞌa Tata yo Jesucristo xiꞌin naꞌa, na xa ndi̱xiꞌi, ya kuchiñu kutaku ya vaꞌa na nuu Ndioxi, vani xa̱a nani na ñuu ivi yóꞌó kuachi xiꞌin na tá kivi xi̱taku na.