Gálatas 4:6 - Xochapa Mixteco

⁶ Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

Gálatas 4:6 Mawu Ofanana

San Marcos 14:36

Saa káꞌan ra káchi ra saa: ―Tata iva i, nda iin ñaꞌa köo ndíchi nuu mií un. Tá tu kúni un ta täxi un yaꞌa i nuu tindoꞌo yóꞌó, sundi ïkan un ya kúni i, vaꞌa ikan un ya kúni mií un ―káchi ra.

San Lucas 11:13

Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

San Lucas 11:2

Saa ndi̱kuiin Jesús káꞌan ra: ―Tá káꞌan ndo xiꞌin Ndioxi ta soꞌva kaꞌan ndo xiꞌin ra: Tata, Iva yo Ndioxi, ra íyo nuu ndivi, ná xaa toꞌo ni na ivi kivi un. Ta ná kixi un kaꞌnda chiñu un ñuu ivi yóꞌó. Tá kúꞌva xáꞌnda chiñu un nuu ndivi saa ná koo ya ikan un ñuu ivi yóꞌó.

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 3:34

Saa chi ra ti̱ꞌvi Ndioxi vaxi ñuu ivi yóꞌó, ta káꞌan ra tuꞌun Ndioxi, chi Ndioxi ta köo táxi loloꞌo ra ndee Tachi I̱í ra ndaꞌa na, iin táxi ndiꞌi ra ya ndaꞌa na.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Los Hechos 16:7

Saa ndi̱xaa nda estado Misia ta kúni nda kuꞌun nda estado Bitinia, ta köo ndi̱xiin Tachi I̱í Ndioxi taxi ya kuꞌun nda.

ROMANOS 5:5

Ta ni süvi ya mani uun ku ya ndáa ini yo ya sixinu Ndioxi ya ndi̱kaꞌan ra xiꞌin yo, chi ndee ni si̱niꞌi ra Tachi I̱í ra nuu yo, nda tá kuꞌva chútu ndaa tikuii ini iin vaso, ndakua xíta ndaa rá yuꞌu ya, kuꞌva saa íkan Tachi I̱í Ndioxi xiꞌin yo, iin síkutu ndaa ya mií yo xiꞌin ya kúꞌvi ni ini ra xíni ra yoo.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

1 Corintios 15:45

Tá káchi mií tuꞌun Ndioxi ya ta̱a na xinaꞌa: “Taa ra núnu̱ú xi̱nani Adán ku ra ta̱xi Ndioxi xi̱taku”, káchi ya. Sundi Cristo, ra káa tá káa ra Adán, ra ki̱xi si̱ndiꞌi, ra ke̱e nuu ndivi, ta táxi ra kutaku ya vaꞌa yo.

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

2 Corintios 3:17

Ta ya yóꞌó kua káꞌan xaꞌa Tata yo Jesucristo ya kúu ra Tachi, ta nuu íyo Tachi ra kua sáña ndíka naꞌa, köo núꞌni ka na.

Efesios 1:13

Ta saa i̱kan tu Ndioxi xiꞌin ndóꞌo̱ va, tá xi̱ni soꞌo ndo tuꞌun vaꞌa ya ndaa, ya kúu tuꞌun vaꞌa xaꞌa Cristo nuu kuchiñu ndo kaku ndo, ta ka̱ndixa ndo ya. Saa chi̱nuu ra tuni ra ndóꞌo̱, ta ya ikán ku Tachi I̱í ra, ya xa ki̱ndoo ra taxi ra ndaꞌa ndo.

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Filipenses 1:19

Saa chi xíni i xaꞌa ya káꞌan ndo xiꞌin Ndioxi xaꞌa i ya chíndee Tachi Jesucristo yeꞌe, ta kama keta i veꞌe kàà yóꞌó kuꞌun ndíka i.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.