Gálatas 4:31 - Xochapa Mixteco

³¹ Ñani yo, vaꞌa ná kundaa ini ndo chi yo kándixa Jesucristo, ta köo kúu yo seꞌe yá Agar yá xáa chiñu nuu ra, seꞌe mií yá síꞌi ra yá Sara, yá íyo ndika va ku yo.

Gálatas 4:31 Mawu Ofanana

San Juan 8:36

Yakan kua tá tu ná saña ndíka Seꞌe Ndioxi ndóꞌo̱, ta saa kua ndixa saña ndo kuꞌun ndíka ndo ikan ra.

Gálatas 4:22

Chi tuꞌun Ndioxi, káꞌan ya xaꞌa ra Abraham, káchi ya saa: Ka̱ku uvi seꞌe taa ra, iin seꞌe ra ka̱ku xiꞌin ñaꞌa yá xáa chiñu nuu ra xiꞌin ya nduxa, ta inka seꞌe ra ka̱ku xiꞌin yá síꞌi ra, yá íyo ndíka.

Gálatas 4:30

Ta soꞌva káꞌan tuꞌun Ndioxi ya ta̱a na xinaꞌa, káchi ya saa: “Vaꞌa tava un yá xáa chiñu nuu un xiꞌin seꞌe yá, ta ná keta yá kuꞌun yá. Chi ndisaa seꞌe yá síꞌi un ku ra niꞌi ndiꞌi ñaꞌa ya kúu mií un. Ta seꞌe yá xáa chiñu nuu un, ta nda iin ñaꞌa nïꞌi ra”, káchi tuꞌun Ndioxi.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.