Gálatas 4:3 - Xochapa Mixteco

³ Ta kuꞌva saa ndo̱ꞌo yoo kándixa Jesucristo, tá ndo̱ꞌo ra loꞌo ikán saa ndi̱xiyo yo yachi tá ndi̱xiyo vali yo, chi köo ndi̱kuvi ikan yo ya vaꞌa, ta nina taꞌan ñaꞌa ya ndínaꞌa na ñuu ivi yóꞌó va kua xa̱ꞌnda chiñu nuu yo, ta ya ikán kua xa̱a súvi yo.

Gálatas 4:3 Mawu Ofanana

San Mateo 11:28

Ndiꞌi ndóꞌo̱ xa ku̱naa ni nuu ndiꞌi chiñu ya íkan ndo, ta köo kúndee ka ini ndo xiꞌin ñaꞌa ndíso ndo, ta naꞌa ndo nuu i, taxi i ndikundee ndo.

San Juan 8:31

Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

Los Hechos 15:10

Ta ¿ndachu tuun ni ini ndo köo xíin ndo kandixa ndo Ndioxi ya ndi̱kuiso ra na, saa káꞌan ndo xaa súvi na ley Ndioxi. Ta nda ni mií yo xiꞌin xii sikua yo ta köo ndikuchiñu yo xaa súvi yo ley ikán.

ROMANOS 7:14

Ta xa kúndaa ini yo ley Ndioxi ta mií ra chi̱nduꞌu ya, ya ke̱e ndivi ku ya. Ta yeꞌe ta ra ñuu ivi yóꞌó va ku i, tá káa iin ra núꞌni káa i ndíkaa i ndaꞌa kuachi i chi xáꞌnda chiñu ya nuu i.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

Gálatas 3:19

Tá tu saa, ta ¿ndá xaꞌa kua ta̱xi Ndioxi ley ra ndaꞌa ra Moisés, túvi ndo? Ta̱xi Ndioxi ley ra ndaꞌa na ya ná kundaa ini na väꞌa íkan na nuu Ndioxi, chi köo ndi̱xaa súvi na ya kúni ra. Ta saa chi̱tuni ra koo saa kaꞌnda chiñu ley ra nuu na, nda kivi tá ná xinu kivi kixi Jesucristo, ra kúu seꞌe sikua ra Abraham, ra ndi̱kaꞌan Ndioxi xaꞌa nuu ndikiꞌin ra ya vaꞌa taxi Ndioxi ndaꞌa ra. Ta saa ta̱xi ra ley ra ndaꞌa na tatun ra, ta na ikán ta̱xi ya ndaꞌa ra Moisés ndi̱xikanuu ra nuu na Israel ta̱xi ra ya ndaꞌa na.

Gálatas 4:2

Chi tá kivi loꞌo ra, ta xíniñuꞌu ra xaa súvi ra ya xáꞌnda chiñu taa, ra xáa chiñu nuu iva ra, chi ra ikán ku ra xáa kuenta xiꞌin ra nda kivi ná xinu ra nduchee ra ya kuchiñu ra kundiso chiñu ra xiꞌin ya kuika kúu mií iva ra, tá íyo ya xáꞌnda chiñu mií iva ra.

Gálatas 4:24

Ta ya ndo̱ꞌo uvi saa ná ñaꞌa yóꞌó kua ndíkani xaꞌa uvi kuꞌva ya ki̱ndoo Ndioxi xiꞌin na ñuu ra: ya káꞌan xaꞌa yá Agar, yá xáa chiñu nuu ra Abraham kua ndínaꞌa iku ya Sinaí nuu ndi̱kiꞌin xii sikua yo ley Ndioxi ya ndi̱kiꞌin ra Moisés ndaꞌa Ndioxi. Tá ndi̱kiꞌin na ley ikán, saa ndu̱u na tá íin naꞌa, na xáa chiñu xiꞌin ya nduxa.

Gálatas 4:25

Ta yá Agar ku yá ndínaꞌa iku ya Sinaí ndíkaa chí Arabia, ta iku ikán kua ndínaꞌa ñuu Jerusalén vitin ya íyo tá kuꞌva íyo naꞌa, na xáa chiñu xiꞌin ya nduxa.

Gálatas 4:31

Ñani yo, vaꞌa ná kundaa ini ndo chi yo kándixa Jesucristo, ta köo kúu yo seꞌe yá Agar yá xáa chiñu nuu ra, seꞌe mií yá síꞌi ra yá Sara, yá íyo ndika va ku yo.

Gálatas 4:8

Yachi tá täꞌan kuni taꞌan ndo xiꞌin Ndioxi, ta ndi̱xiyo ndo tá íin naꞌa, na xáa chiñu xiꞌin ya nduxa, saa ndi̱xiyo ndo xi̱ndoꞌni ndo ndaꞌa ndioxi ya siki xa̱a chiñu ndo nuu.

Gálatas 4:9

Ta vitin xa xíni ndo Ndioxi ra ndaa. Án xa xíni vaꞌa mií ra ndóꞌo̱, ná kachi yo. Ta saa, ta ¿ndachu kúni ndo ndiko koo tuku ndo ndinaꞌa ndo taꞌan ya ndi̱naꞌa ndo yachi, ya ndínaꞌa na ñuu ivi yóꞌó, ta ni köo ndáa yaꞌvi ya íkan na? ¿Án kúni tuku ndo nduu ndo tá íin naꞌa, na xáa chiñu xiꞌin ya nduxa?

Colosenses 2:20

Ta ndóꞌo̱, tá íin ndo ndi̱xiꞌi xiꞌin Tata yo Jesucristo saa íyo ndo, xaꞌa ya ñaa kua ndi̱saña ndo ndaꞌa tachi nduvaꞌa, ta köo xáꞌnda chiñu ka ya nuu ndo vitin. ¿Ta ndachu táxi tuku ndo ichí ya kaꞌnda chiñu ya nuu ndo?

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

HEBREOS 5:12

Xa naꞌa ni va ndíkun ndo Jesucristo, ta xa kuꞌva kua sinaꞌa ndo inka naꞌa, ndikuu. Sundi ndóꞌo̱ ta tá íin na vali chíchin va saa íin ndo, saa chi ni köo ndíchi ya xi̱ni soꞌo ndo tá sikan ndi̱kundikun ndo Jesucristo, ta tuku kúni ndo ndikani nde ya nuu ndo. Tá íin na vali saa íin ndo, chi na vali ta ndisaa leche xíꞌi na, küvi kuxi na ñaꞌa ya xíxi na chee.

HEBREOS 7:16

Ta ra ikán ku Tata yo Jesucristo, ta köo ndi̱nduu ra sutu tá kuꞌva káꞌan ley xaꞌa nda sutu, sundi ndu̱u ra sutu xaꞌa ya ndee ni ndee kúu mií ra ya kutaku ra ndiꞌi saa kivi, chi nda iin ichí ndïꞌi xaꞌa ra.