Gálatas 4:29 - Xochapa Mixteco

²⁹ Ta seꞌe ra Abraham, ra ka̱ku tá kuꞌva káku ndiꞌi yo ivi yóꞌó, ta xa̱á ra xáa nduvaꞌa ra xiꞌin inka ra loꞌo seꞌe ra ka̱ku tá kuꞌva kúni mií Tachi I̱í Ndioxi. Ta saa ndóꞌo yo vitin.

Gálatas 4:29 Mawu Ofanana

San Juan 15:9

Ta Iva i ta kúꞌvi ni ini ra xíni ra yeꞌe, ta saa yeꞌe kúꞌvi ni ini i xíni i ndóꞌo̱, yakan kutaꞌan tuun ni ndo xiꞌin i xaꞌa ya kúꞌvi ni ini i xíni i ndóꞌo̱.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

ROMANOS 8:13

Saa chi tá íkan yo ya kúni kuñu yo, ta saa kua ku̱aꞌan yo ichí nuu ndíꞌi xaꞌa yo, kuvi yo. Ta saa ni, tá xiꞌin ndee Tachi Ndioxi síndiꞌi xaꞌa yo ya väꞌa, ya kúni ikin kuñu yo, ta saa kua ndixa kutaku yo nuu Ndioxi.

Gálatas 4:23

Ta seꞌe ra ka̱ku xiꞌin yá xáa chiñu nuu ra, ta ka̱ku ra tá kuꞌva káku mií yo ñuu ivi yóꞌó, sundi seꞌe ra, ra ka̱ku xiꞌin yá síꞌi ra, ta ka̱ku ra tá kuꞌva ki̱ndoo Ndioxi xiꞌin mií ra Abraham.

Gálatas 5:11

Ñani yo, tá tu yeꞌe sínaꞌa ku i naꞌa xaꞌa ya ná xaa súvi ka na costumbre ya ndikunuu tuni Ndioxi na, ni na judío ta xäa nduvaꞌa ka na xiꞌin i, ndíkuu. Chi tá saa ná kaꞌan i xiꞌin na ta säa ka ini na kuni yeꞌe xaꞌa ya sínaꞌa i ya ndi̱xiꞌi Jesucristo nuu cruzin xaꞌa kuachi yo, ndikuu.