Gálatas 4:28 - Xochapa Mixteco

²⁸ Ñani yo, kuꞌva saa kua ka̱ku ra Isaac seꞌe ra Abraham. Ta saa ndiꞌi yo kándixa Jesucristo tá íyo ra Isaac, saa íyo ndiꞌi yo, chi si̱xinu Ndioxi ya ki̱ndoo ra xiꞌin ra Abraham.

Gálatas 4:28 Mawu Ofanana

Los Hechos 3:25

Ta ndóꞌo̱ ku seꞌe ñani nda ndi̱kaꞌan ndoso tuꞌun yuꞌu Ndioxi xinaꞌa, yakan vitin ndíkiꞌin ndo ya vaꞌa ki̱ndoo ra xiꞌin xii sikua ndo tá ndi̱kaꞌan ra xiꞌin ra Abraham, káchi ra saa: “Xaꞌa iin seꞌe yóꞌo̱ kua taxi i ya vaꞌa ndaꞌa ndiꞌi na ñuu ivi yóꞌó” ka̱chi Ndioxi xiꞌin ra.

ROMANOS 9:7

Ta ni süvi ndiꞌi tuku na kúu seꞌe ñani sikua ra Abraham, ku na kúu ndinuꞌu seꞌe ra, chi Ndioxi ndi̱kaꞌan ra xiꞌin ra Abraham, káchi ra saa: “Ndisaa seꞌe ñani sikua ra Isaac ku seꞌe ñani sikua un na ndixa ndinuꞌu”, káchi Ndioxi xiꞌin ra.

Gálatas 3:29

Ta xaꞌa ya xa i̱in ndu̱u yo xiꞌin Cristo yakan kua vaꞌa kúu yo seꞌe ñani sikua ra Abraham, ta kúu mií yo ichí ndikiꞌin yo ñaꞌa, ya ki̱ndoo Ndioxi taxi ra ndaꞌa ra Abraham.

Gálatas 4:23

Ta seꞌe ra ka̱ku xiꞌin yá xáa chiñu nuu ra, ta ka̱ku ra tá kuꞌva káku mií yo ñuu ivi yóꞌó, sundi seꞌe ra, ra ka̱ku xiꞌin yá síꞌi ra, ta ka̱ku ra tá kuꞌva ki̱ndoo Ndioxi xiꞌin mií ra Abraham.

Gálatas 6:18

Ñani yo, mií Tata yo Jesucristo ná chikaa ni ya vaꞌa ndóꞌo̱. Saa ná koo.