Gálatas 4:26 - Xochapa Mixteco

²⁶ Sundi ñuu Jerusalén ya íyo nuu ndivi, ta yá Sara, yá íyo ndíka kua ndínaꞌa ya ikán, ta yá ikán ku siꞌí ndiꞌi yo.

Gálatas 4:26 Mawu Ofanana

San Juan 8:36

Yakan kua tá tu ná saña ndíka Seꞌe Ndioxi ndóꞌo̱, ta saa kua ndixa saña ndo kuꞌun ndíka ndo ikan ra.

ROMANOS 6:14

Ta vitin köo ka ndee kuachi ndo kaꞌnda chiñu ya nuu ndo. Chi köo íyo ka ndo tixin ley ya ta̱a ra Moisés xinaꞌa. Chi tixin ya kúꞌvi ni ini Ndioxi xíni ra ndóꞌo̱ va kua íyo ndo vitin, ta ya ikán ku ya xáꞌnda chiñu nuu ndo.

ROMANOS 6:18

Ñaa ndi̱saña ndo ndaꞌa kuachi ku̱aꞌan ndika ndo, ta vitin ndi̱kiꞌvi ndo ichí Ndioxi tá íin ndo sa̱ta ra xáa chiñu nuu ra, saa íin ndo, íkan ndo ya vaꞌa, ya ndaa.

Gálatas 4:22

Chi tuꞌun Ndioxi, káꞌan ya xaꞌa ra Abraham, káchi ya saa: Ka̱ku uvi seꞌe taa ra, iin seꞌe ra ka̱ku xiꞌin ñaꞌa yá xáa chiñu nuu ra xiꞌin ya nduxa, ta inka seꞌe ra ka̱ku xiꞌin yá síꞌi ra, yá íyo ndíka.

Gálatas 4:25

Ta yá Agar ku yá ndínaꞌa iku ya Sinaí ndíkaa chí Arabia, ta iku ikán kua ndínaꞌa ñuu Jerusalén vitin ya íyo tá kuꞌva íyo naꞌa, na xáa chiñu xiꞌin ya nduxa.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

Filipenses 3:20

Sundi yoo, ta nuu ndivi ku ñuu yo, chi ikán koo yo xiꞌin Ndioxi. Ta ndátun yo ndiko koo Tata yo Jesucristo kixi ra sikaku ra yoo.

HEBREOS 12:22

Sundi ndóꞌo̱, ta süvi taꞌan iku ikán kua ndi̱kuyati ndo nuu. Chi ndóꞌo̱, ta nuu iku ya náni Sión kua ku̱yati ndo, ya yóꞌó ku ñuu Jerusalén, ya íyo nuu ndivi ni̱nù ya kúu ñuu Ndioxi ra táku, nuu íyo kuaꞌa ni mil tatun Ndioxi xáa kaꞌnu ya ra.

1 Pedro 2:16

Chi ndóꞌo̱ ta ndo xa xíka ndíka ku ndo, köo núꞌni ka ndo ndaꞌa ya väꞌa ya ikan ndo ya väꞌa, yakan ndóꞌo̱ ta täa nuu ndo ya ñaa ya ikan ndo ndá ka chiñu väꞌa. Ya vaꞌa ni kua koo ndo tá kuꞌva íin naꞌa, na xáa chiñu nuu Ndioxi.

El Apocalipsis 12:1

Saa xi̱ni i iin seña chee ni nuu ndivi, chi xi̱ni i iin yá ñaꞌa ndíxi níí yá ñu̱ꞌù, saa ndíkaa kiti yo̱ó tixin xaꞌa yá, ta ínuu corona xiní yá, ta kúu mií corona ikán uxi uvi kiti kimi.

El Apocalipsis 17:5

Ndi̱kaꞌi taan yá xiꞌin iin kivi ya ndíchi ni kundaa ini yo xiꞌin, káchi ya saa: Ta yá ñaꞌa chee ni ikán ku ñuu Babilonia ya chee ni, ya kúu siꞌí ndiꞌi ná ñaꞌa ná xíko ikin kuñu xiꞌin ndiꞌi ná íkan ndiꞌi nuu ya väꞌa, ya kini ni, sova káchi tuꞌun ya ndi̱kaꞌi taan yá ikán.

El Apocalipsis 21:2

Yeꞌe Juan, xi̱ni i ñuu i̱í, ñuu Jerusalén ya xa̱á, xi̱ni i ya vaxi nuu ya nuu ndivi nuu íyo Ndioxi. Luvi ni ya, tá kuꞌva luvi ni toto ndíxi ñaꞌa ya tindaꞌa yá xiꞌin i̱í yá, saa káa ñuu ya xi̱ni i.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.