Gálatas 4:25 - Xochapa Mixteco

²⁵ Ta yá Agar ku yá ndínaꞌa iku ya Sinaí ndíkaa chí Arabia, ta iku ikán kua ndínaꞌa ñuu Jerusalén vitin ya íyo tá kuꞌva íyo naꞌa, na xáa chiñu xiꞌin ya nduxa.

Gálatas 4:25 Mawu Ofanana

San Mateo 23:37

Saa ndi̱kaꞌan tuku Jesús, káchi ra saa: ―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo!

San Lucas 13:34

Saa xa̱á ra káꞌan ra: ―¡Ndóꞌo̱ na ñuu Jerusalén!, ndóꞌo̱ ku ndo xáꞌni nda káꞌan ndoso tuꞌun yuꞌu Ndioxi, ta kóꞌni ndo yu̱ú sata nda tíꞌvi Ndioxi vaxi chindee ndóꞌo̱. Kuaꞌa ni ichí ku̱ni i sikitaꞌan i ndóꞌo̱, tá íkan nduxi tiatan xiꞌin seꞌe vali ri, síkitaꞌan ri na tixin ri, ta köo ndi̱xiin ndo.

San Lucas 19:44

Iin sindiꞌi vaꞌa na xaꞌa ndo. Nda iin yu̱ú xaꞌa veꞌe ndo ndöo ikan na. Iin ndiꞌi vaꞌa xaꞌa ñuu ndo, saa chi köo xíin ndo ndikuni ndo yeꞌe, ya sikaku i ndóꞌo̱ ―káchi Jesús xiꞌin na.

Los Hechos 1:11

Saa xa̱á nda káꞌan nda, káchi nda saa: ―Ndóꞌo̱ na ñuu estado Galilea, ¿ndachu kua xíto ni ndo nuu ndivi ndíta ndo? Suvi Jesús, ra xi̱ni ndo nda̱a kuaꞌan nuu ndivi, suvi ra ñaa ku ra ndiko koo tuku, tá kuꞌva nda̱a ra kuaꞌan ra, saa kuu ndiko koo ra ―káchi nda ikán xiꞌin nda apóstol.

Gálatas 1:17

Ni ñuu Jerusalen köo ndi̱xaꞌan i ya nduku i nda taꞌan yo, nda xa kúu apóstol tiempo ikán. Ta ya i̱kan i kua, kama ni ke̱e i ndi̱xaꞌan i ndi̱xiyo i chí ñuu Arabia, ta sindiꞌi saa ndi̱ko koo i chí ñuu Damasco.

Gálatas 4:24

Ta ya ndo̱ꞌo uvi saa ná ñaꞌa yóꞌó kua ndíkani xaꞌa uvi kuꞌva ya ki̱ndoo Ndioxi xiꞌin na ñuu ra: ya káꞌan xaꞌa yá Agar, yá xáa chiñu nuu ra Abraham kua ndínaꞌa iku ya Sinaí nuu ndi̱kiꞌin xii sikua yo ley Ndioxi ya ndi̱kiꞌin ra Moisés ndaꞌa Ndioxi. Tá ndi̱kiꞌin na ley ikán, saa ndu̱u na tá íin naꞌa, na xáa chiñu xiꞌin ya nduxa.

Gálatas 4:26

Sundi ñuu Jerusalén ya íyo nuu ndivi, ta yá Sara, yá íyo ndíka kua ndínaꞌa ya ikán, ta yá ikán ku siꞌí ndiꞌi yo.

HEBREOS 12:18

Ta vaꞌa ná kundaa ini ndo chi xa síin va kua i̱kan Iva yo Ndioxi xiꞌin yoo nuu xií sikua yo. Chi yoo ta köo ndi̱kuyati yo nuu ra tá kuꞌva ku̱yati na ikán nuu ra tá kivi ta̱xi ra ley ra ndaꞌa na. Chi ndee ni ìyo ku̱u nuu iku ya ku̱chiñu na xi̱ni xiꞌin nuu na, ta ndee ka vi xíxi ñu̱ꞌu̱, saa ndee ka vi xíka tachi ta iin nánaa káa nuu mií iku Sinaí ikán.