Gálatas 4:2 - Xochapa Mixteco

² Chi tá kivi loꞌo ra, ta xíniñuꞌu ra xaa súvi ra ya xáꞌnda chiñu taa, ra xáa chiñu nuu iva ra, chi ra ikán ku ra xáa kuenta xiꞌin ra nda kivi ná xinu ra nduchee ra ya kuchiñu ra kundiso chiñu ra xiꞌin ya kuika kúu mií iva ra, tá íyo ya xáꞌnda chiñu mií iva ra.

Gálatas 4:2 Mawu Ofanana

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

Gálatas 3:24

Ta ndee ni xi̱ndaa ya yoo, tá kuꞌva ndee ni vaꞌa ndáa iin taa na vali, kíꞌin ni ra kuenta xiꞌin na, kuꞌva saa xi̱ndaa ya yoo, nda kivi tá xa̱a Jesucristo, ta saa kua nda̱sa vaꞌa ra yoo ndu̱u yo tá íin naꞌa, na köo ka kuachi kúu mií nuu Ndioxi.

Gálatas 4:1

Ta ya kúni i ndituꞌun i xiꞌin ndo xaꞌa na ndixa kúu seꞌe Ndioxi kua yóꞌó: Tá kúu iin ra loꞌo, vani ra kuika ku ra xaꞌa ya kuika ni iva ra, sundi tá kivi loꞌo ra ta nda tá káa iin taa ra xáa chiñu xiꞌin ya nduxa nuu iva ra saa káa tu mií va ra, vani ndee ni kuika ra.

Gálatas 4:3

Ta kuꞌva saa ndo̱ꞌo yoo kándixa Jesucristo, tá ndo̱ꞌo ra loꞌo ikán saa ndi̱xiyo yo yachi tá ndi̱xiyo vali yo, chi köo ndi̱kuvi ikan yo ya vaꞌa, ta nina taꞌan ñaꞌa ya ndínaꞌa na ñuu ivi yóꞌó va kua xa̱ꞌnda chiñu nuu yo, ta ya ikán kua xa̱a súvi yo.