Gálatas 4:17 - Xochapa Mixteco

¹⁷ Chi naꞌa, na xáa nduxa xiꞌin ndo ya ndikundikun ndo ley ya ta̱a ra Moisés ta süvi na vaꞌa ku na, yakan ndee ni va ndúku na kuꞌva ya koo vaꞌa ni ini ndo xiꞌin na, sundi väꞌa ndíkani ini na xíni na ndóꞌo̱. Kúni na ná kuxika ndo nuu nde, ta ndisaa mií na ná kundikun ndo, ta köo kúni na kundikun ndo inka naꞌa.

Gálatas 4:17 Mawu Ofanana

San Mateo 23:15

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.

ROMANOS 10:2

Xa xíni i ya vaꞌa ni íkan na, chíkaa ni na ndee xáa toꞌo na Ndioxi, sundi köo kúndaa ini na ndá ñaꞌa ku ya xíniñuꞌu ni na ikan na.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

1 Corintios 11:2

Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

1 Corintios 4:18

Ta sava tu ndo kútai ni ini, chi ndíkani ini ndo nda iin ichí ndïko koo ka i xaa i nuu ndo koto i ndóꞌo̱, káꞌan ndo.

1 Corintios 4:8

Saa ndóꞌo̱ ndíkani ini ndo, xaa kúu mií ndo ndiꞌi ñaꞌa ya xíniñuꞌu ndo, ta xa ndu̱kuika ni ndo yakan ni köo xíniñuꞌu ka ndo ndeꞌe, túvi ndo. Ta vaꞌa ni va, tá tu xa ndu̱u ndo rey na xáꞌnda chiñu, ta nda ndeꞌe niꞌi loꞌo kaꞌnda chiñu nde xiꞌin va tu ndo.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

Gálatas 4:16

Ta vitin, ¿án xaꞌa ya ndítuꞌun i ya ndaa xiꞌin ndo kua ndu̱u i tá káa iin ra káni taꞌan xiꞌin ndo, túvi ndo?

Gálatas 4:18

Ya vaꞌa ni va kua ndíꞌi ni ini na xaꞌa ndo, tá tu ya vaꞌa ni kua ndíkani ini na xíni na ndóꞌo̱, ndikuu. Ta ndiꞌi saa ichí ná kundiꞌi ini na xaꞌa ndo, ta ná ïkan na saa xiꞌin ndo ndisaa tá íyo i xiꞌin ndo.

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.