Gálatas 4:15 - Xochapa Mixteco

¹⁵ Ta ndee ni va vaꞌa ku̱sini ndo xi̱ni ndo yeꞌe, ta ¿mií chí ki̱ndoo ya i̱kan ndo saa xiꞌin i? Chi tiempo ikán ta nda nduchi nuu va ndo ku̱ni ndo tava ndo taxi ndo ndaꞌi tá ya ndíkuvi kua.

Gálatas 4:15 Mawu Ofanana

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

ROMANOS 10:2

Xa xíni i ya vaꞌa ni íkan na, chíkaa ni na ndee xáa toꞌo na Ndioxi, sundi köo kúndaa ini na ndá ñaꞌa ku ya xíniñuꞌu ni na ikan na.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

ROMANOS 9:3

Saa chi ndinuꞌu ni ini i kúni i chindee taꞌan i xiꞌin na ya ná kandixa na Jesucristo, ta saa ndikundikun na Ndioxi. Tá ya kúvi ku ya kundiso i chiꞌña ya kuxika i ichí Jesucristo ndikuu, ta vaꞌa ikan i saa ya kuchiñu chindee i na ya ná ndikundikun na ra, chi kúꞌvi ni ini i xíni i na.

2 Corintios 8:3

Ta nda yeꞌe, káꞌan xaꞌa na ya i̱kan na saa yáꞌa ni víꞌi kua ta̱xi na chi kúndaꞌvi ni na, ta vaꞌa chi ini mií va na ka̱na ya i̱kan na saa.

Gálatas 3:14

Xaꞌa ya i̱kan Cristo saa kua vaꞌa ndi̱niꞌi ndiꞌi ni kúu naꞌa, na köo kúu judío ya vaꞌa taꞌan ya ndi̱niꞌi ra Abraham nuu Ndioxi. Ta tixin Jesucristo kua níꞌi yo ya vaꞌa xaꞌa ya ndáa ni ini yo xíni yo ra, ta saa kua ndíkiꞌin yo Tachi I̱í Ndioxi ya ndi̱kaꞌan ra taxi ra ndaꞌa yo.

Gálatas 4:14

Vani ndee ni ndee ndo̱ꞌo i ta si̱ndiꞌi ni i ini ndo xiꞌin kueꞌe ya ndo̱ꞌo i, ta köo ndi̱kuchitun ndo yeꞌe, ni köo ndi̱kundasi nuu ndo kuni ndo yeꞌe. Ndee ni ka va vaꞌa ndi̱kiꞌin ndo yeꞌe, nda tá kuꞌva ndíkiꞌin ndo iin tatun Ndioxi án tá kuꞌva ndíkiꞌin ndo mií Jesucristo, saa ndi̱kiꞌin ndo yeꞌe.

Gálatas 4:16

Ta vitin, ¿án xaꞌa ya ndítuꞌun i ya ndaa xiꞌin ndo kua ndu̱u i tá káa iin ra káni taꞌan xiꞌin ndo, túvi ndo?

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Gálatas 6:4

Ta koto ndoso ndo mií ndo xaꞌa ñaꞌa íkan ndo, saa kusini ni ndo xiꞌin ya íkan ndo. Tá tu vaꞌa ni ka íkan ndo ndá ka chiñu túvi ndo, ta käꞌan ndo xaꞌa ya íkan inka naꞌa.

Colosenses 4:13

Ta kúni i kaꞌan i xiꞌin ndo xaꞌa ra Epafras, ndee ni xáa chiñu ra xaꞌa ndo, ta saa tu xaꞌa na ñuu Laodisea xiꞌin na ñuu Hierápolis.

1 Tesalonicenses 2:8

Ta kúꞌvi ni ini nde xíni nde ndóꞌo̱ xaꞌa ya ñaa kua kúsini ni nde ndítuꞌun nde tuꞌun vaꞌa xaꞌa Tata yo Jesucristo xiꞌin ndo. Ta nda ndi̱taxi nde mií nde ya kuvi nde xaꞌa ndo, saa chi yáꞌa ni kúꞌvi ini nde xíni nde ndóꞌo̱.

1 Tesalonicenses 5:13

Kuꞌvi ni ini ndo kuni ndo na ñaa ta saa xaa toꞌo ndo na xaꞌa chiñu íkan na nuu ndo. Ta vivií ni koo ndo xiꞌin taꞌan ndo.