Gálatas 4:14 - Xochapa Mixteco

¹⁴ Vani ndee ni ndee ndo̱ꞌo i ta si̱ndiꞌi ni i ini ndo xiꞌin kueꞌe ya ndo̱ꞌo i, ta köo ndi̱kuchitun ndo yeꞌe, ni köo ndi̱kundasi nuu ndo kuni ndo yeꞌe. Ndee ni ka va vaꞌa ndi̱kiꞌin ndo yeꞌe, nda tá kuꞌva ndíkiꞌin ndo iin tatun Ndioxi án tá kuꞌva ndíkiꞌin ndo mií Jesucristo, saa ndi̱kiꞌin ndo yeꞌe.

Gálatas 4:14 Mawu Ofanana

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Mateo 18:5

Ta ndiꞌi na ndíkiꞌin vaꞌa na vali xaꞌa yeꞌe, xaꞌa ya kándixa na yeꞌe, ta yeꞌe ku i ndíkiꞌin na ―káchi Jesús.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Juan 13:20

Ya ndaa ni káꞌan i xiꞌin ndo, ndiꞌi na ndíkiꞌin vaꞌa na ti̱ꞌvi i xaa chiñu nuu i, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi ra ti̱ꞌvi yeꞌe vaxi i ―káchi ra.

1 Corintios 1:28

I̱kan Ndioxi saa xiꞌin ndo ndi̱kaxin ra ndóꞌo̱ na vita ini, ndóꞌo̱ köo ndáa yaꞌvi nuu na ñuu ivi yóꞌó. I̱kan ra saa xiꞌin ndóꞌo̱ ya ná kundaa ini na ya kúndasi ni nuu ra ndiꞌi ñaꞌa ya ndee ni ndáa yaꞌvi nuu mií na.

1 Corintios 4:10

Xaꞌa ya ndíkun nde Jesucristo, ta ni köo ndáa yaꞌvi nde nuu naꞌa, tá íin nde kíꞌvi va, saa íin nde nuu na. Ta ndóꞌo̱, ta xaꞌa ya ndíkun ndo Jesucristo ta tá íin naꞌa, na ndíchi ni va saa ndu̱u ndo. Ta ndeꞌe, ta vita ni va kúni nde ta mií ka va ndo ku ndo ndu̱ndee ni ka nuu nde, túvi ndo. Vaꞌa ni va káꞌan naꞌa xaꞌa ndo, xáa toꞌo ni na ndóꞌo̱, ta ndeꞌe, ta kúndasi nuu va na xíni na ndeꞌe.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Gálatas 4:13

Xa xíni mií ndo tá kivi ndi̱xaꞌan i nuu ndo tá núnu̱ú ta ndee ni ndee ndóꞌo i kúꞌvi i, yakan ndi̱xaa i ñuu ndo ta saa kua ndi̱tuꞌun i xiꞌin ndo tuꞌun vaꞌa xaꞌa Tata yo Jesucristo, nuu kaku ndo.

Gálatas 4:15

Ta ndee ni va vaꞌa ku̱sini ndo xi̱ni ndo yeꞌe, ta ¿mií chí ki̱ndoo ya i̱kan ndo saa xiꞌin i? Chi tiempo ikán ta nda nduchi nuu va ndo ku̱ni ndo tava ndo taxi ndo ndaꞌi tá ya ndíkuvi kua.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

HEBREOS 13:2

Ta ndïndoso ini ndo ya ndikuiso vií ndo naꞌa, na xáa veꞌe ndo. Chi saa ndo̱ꞌo sava naꞌa xinaꞌa xiꞌin naꞌa, na ndi̱xaa veꞌe na, ta köo ndi̱kundaa ini na ya ndi̱kuiso na tatun Ndioxi veꞌe na.