Gálatas 4:12 - Xochapa Mixteco

¹² Xaꞌa ya ikán kua xáku ndaꞌvi i nuu ndo ñani yo, ya ná nduu ndo tá kuꞌva íyo yeꞌe, chi yeꞌe ta xa ndu̱u i tá kuꞌva íyo mií ndo köo kúu judío, ta ïkan ka ndo taꞌan ñaꞌa ya íkan ley nde judío. Chi yo kándixa Jesucristo ta xa ndi̱saña ndíka yo nuu ndiꞌi ya ñaa, ta saa kúni i ná koo ndo. Saa chi ndóꞌo̱ ta nda iin ya väꞌa köo ndi̱kan ndo xiꞌin i.

Gálatas 4:12 Mawu Ofanana

Los Hechos 21:21

Ta xi̱ni soꞌo sava na ya sínaꞌa un na judío na ndóo tañu na köo kuu judío ya ná kändixa ka na ley ya ta̱a ra Moisés. Saa káꞌan un xiꞌin na ya köo xíniñuꞌu ka na ndikunuu tuni Ndioxi na ta ni ná xäa súvi ka na ley ya ta̱a ra Moisés, káchi un, che.

2 Corintios 2:5

Ta ya káꞌan i xiꞌin ndo xaꞌa taa ra xa̱a chiꞌña ini i, ta köo yáꞌa ni yuꞌu i káꞌan i xiꞌin ndo, chi ya ndaa kua, taa ra xa̱a chiꞌña ini i, ta köo ndi̱xaa chiꞌña ra ini i tá kuꞌva ndee ni xa̱a chiꞌña ra ini ndóꞌo̱.

2 Corintios 6:11

Ndiꞌi ndóꞌo̱ ñani yo ndóo ñuu Corinto, ndee ni vaꞌa téꞌe ndi̱kaꞌan nde xiꞌin ndo, saa xu̱na nde nima nde nuu ndo.

2 Corintios 6:13

Tá kuꞌva xáku ndaꞌvi iin ra iva siꞌí nuu seꞌe ra, saa káꞌan i xiꞌin ndo. Kuna ndo nima ndo nuu nde, tá kuꞌva íkan ndeꞌe xiꞌin ndo.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 4:11

Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

Gálatas 4:13

Xa xíni mií ndo tá kivi ndi̱xaꞌan i nuu ndo tá núnu̱ú ta ndee ni ndee ndóꞌo i kúꞌvi i, yakan ndi̱xaa i ñuu ndo ta saa kua ndi̱tuꞌun i xiꞌin ndo tuꞌun vaꞌa xaꞌa Tata yo Jesucristo, nuu kaku ndo.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Gálatas 6:18

Ñani yo, mií Tata yo Jesucristo ná chikaa ni ya vaꞌa ndóꞌo̱. Saa ná koo.