Gálatas 3:8 - Xochapa Mixteco

⁸ Chi tuꞌun Ndioxi ya ta̱a na xinaꞌa, ta xa ndi̱kaꞌan ya xaꞌa, kivi ya vaxi, chi kivi ikán kua ndasa Ndioxi naꞌa, na köo kúu judío, nduu na naꞌa, na köo ka kuachi kúu mií nuu ra, káchi ya. Ta xaꞌa ya ikán kua ndi̱kaꞌan Ndioxi xiꞌin ra Abraham, káchi ra saa: “Xaꞌa yóꞌo̱ kua niꞌi, ndiꞌi ni kúu na ñuu ivi ya vaꞌa”, káchi Ndioxi xiꞌin ra Abraham tá ndi̱kaꞌan ra xiꞌin ra.

Gálatas 3:8 Mawu Ofanana

San Juan 19:37

Ta inka tuku ñaꞌñu nuu tuꞌun Ndioxi káchi ya saa: “Koto na nuu taa, ra ka̱an na kandika xiꞌin itun íyo kàà nuu”, káchi ya.

San Juan 7:38

Na kándixa yeꞌe, tá káa nuu kána tikuii xínu rá kuaꞌan rá, saa koo rá ini na, tá kuꞌva káꞌan tuꞌun Ndioxi ―káchi Jesús xiꞌin na.

San Juan 7:42

Chi tuꞌun Ndioxi ya ta̱a na xinaꞌa káchi ya saa: Ra kúu Cristo ta kaku ra tixin seꞌe sikua ta rey David, ta ñuu Belén nuu ndi̱xiyo ra rey David kee ra, káchi tuꞌun Ndioxi ―káchi na.

Los Hechos 2:35

Yóꞌó koo un xiꞌin i ndakua ná sindiꞌi xaꞌa ndiꞌi i na íyo kuachi xiꞌin un, na xïin kuni yóꞌo̱”, soꞌva káchi Ndioxi xiꞌin Tata i Cristo, káchi ya ta̱a ra rey David ―káchi ra Pedro xiꞌin nda. Saa ndi̱kaꞌan ka ra xiꞌin nda, káchi ra saa: ―Na taꞌan yo, ya yóꞌó kua sínaꞌa mií yo ya köo ndi̱ndaa xii yo ra rey David nuu ndivi.

ROMANOS 9:17

Ta xa kúndaa ini yo, chi saa káꞌan tuꞌun Ndioxi ya ndi̱kaꞌan ra xiꞌin ra rey Faraón ñuu Egipto, káchi ra saa: “Yeꞌe ta̱xi ichí ndaꞌa un kúu un rey, chi kuaꞌa ni ñaꞌa ikan i xiꞌin un nuu sinaꞌa i ndee i nuu un, ta saa kundaa ini ndiꞌi kúu na ñuu ivi, xaꞌa ndee ya vaꞌa ni íkan i ta kuita niꞌnu tuꞌun xaꞌa i ndiꞌi ni kúu ñuu ivi”, káchi Ndioxi xiꞌin ra.

ROMANOS 9:30

Ta vaꞌa ná koto yo ndá kuꞌva íyo ya káꞌan yo xaꞌa, chi naꞌa, na köo kúu judío ta ni köo ndíchikaa na ndee ya nduku na Ndioxi, ta xa nda̱sa vaꞌa ra na, ndu̱u na naꞌa na köo ka kuachi kúu mií nuu ra, xaꞌa ya ka̱ndixa na Jesucristo.

Gálatas 3:16

Ta kuꞌva saa íyo ya ki̱ndoo Ndioxi xiꞌin ra Abraham xiꞌin iin ra kúu seꞌe ñani sikua ra, köo káꞌan ya xaꞌa kuaꞌa ni na seꞌe ñani sikua ra, iindaa va ra káꞌan ya xaꞌa, ta ra ikán ku Jesucristo, xaꞌa ra ikán káꞌan ya.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Gálatas 4:30

Ta soꞌva káꞌan tuꞌun Ndioxi ya ta̱a na xinaꞌa, káchi ya saa: “Vaꞌa tava un yá xáa chiñu nuu un xiꞌin seꞌe yá, ta ná keta yá kuꞌun yá. Chi ndisaa seꞌe yá síꞌi un ku ra niꞌi ndiꞌi ñaꞌa ya kúu mií un. Ta seꞌe yá xáa chiñu nuu un, ta nda iin ñaꞌa nïꞌi ra”, káchi tuꞌun Ndioxi.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.