Gálatas 3:27 - Xochapa Mixteco

²⁷ Tá kúu ndiꞌi yo chi̱chi xaꞌa ya kándixa yo Cristo ta iin ndu̱u yo xiꞌin ra, tá káa iin toto xa̱á saa káa ya táxi ra ndíxi yo, chínuu ra ya sata yo sísaꞌvi ya yoo.

Gálatas 3:27 Mawu Ofanana

San Lucas 15:22

Ta ni köo ndi̱kiꞌin iva ra kuenta xaꞌa ya i̱kan ra xiꞌin ra. Saa ndi̱kaꞌan ra xiꞌin na xáa chiñu nuu ra, káchi ra saa: “Tava loꞌo ndo iin toto vavaꞌa náꞌa sikundixi ndo seꞌe i, ta chikaa ndo xeꞌe ndaꞌa ra, saa chikaa ndo nduxan xaꞌa ra.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 8:16

Saa chi nda iin na ikán täꞌan ndikiꞌin Tachi ra, takua chi̱chi kuiti na tixin kivi Jesús.

Los Hechos 9:18

Tá ndi̱kaꞌan ra saa xiꞌin ra ta iin ku̱u soꞌva ndi̱koyo ñaꞌa nuu ra, tá íin ndiuchi sata tiaka, saa íin ya ndi̱koyo nuu ra. Ñaa ndi̱kuna nuu ra. Ta saa ndi̱kundichi ra, ñaa si̱kuchi ñaꞌa ra Ananías.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

ROMANOS 3:22

Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.

1 Corintios 10:2

Tá ndo̱ꞌo na saa, ndi̱xika na tixin viko tin ndi̱yaꞌa na maꞌñu nduta ñûꞌu, nduta Kuáꞌa̱. Ta nda tá íin na chi̱chi saa ndi̱xiyo na, xaꞌa ya ikán kua vaꞌa ndi̱kitaꞌan na xiꞌin ra Moisés, ndi̱kundikun na ra.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

Efesios 4:24

Ta xaꞌa ya ndu̱u ndo naꞌa, na xa ndu̱xaa ini tá kuꞌva kúni mií Ndioxi, ta saa kua ndu̱u ndo tá íin naꞌa, na köo ka kuachi kúu mií nuu ra, ta ndu̱u ndo naꞌa, na i̱í xaꞌa ya ku̱ndaa ini ndo ya ndaa xaꞌa ra.

Colosenses 3:10

Chi vitin ta xa ndu̱u ndo naꞌa, na xa̱á, na íin tá kuꞌva káa mií Ndioxi ra si̱kuaꞌa ndóꞌo̱ ku ra íkan saa xiꞌin ndo iin iin kivi nda ná xinu koo ndo kuni taꞌan vaꞌa ndo xiꞌin ra tá kuꞌva káa mií ra.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.