Gálatas 3:26 - Xochapa Mixteco

²⁶ Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Gálatas 3:26 Mawu Ofanana

San Juan 1:7

Ki̱xi ra ya ndíkuiin ra xaꞌa ñu̱ꞌu̱ ikán, káꞌan ra xiꞌin na ya ná kandixa ndiꞌi na taa, ra síndiyeꞌe nuu na.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

ROMANOS 8:19

Ta vitin ndiꞌi ñaꞌa si̱kuaꞌa Ndioxi ndátun ni ya, ta kúni ya ná tindaa kíi kivi ya sinaꞌa Ndioxi ya kúu yo seꞌe ra.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

2 Corintios 6:18

Ta yeꞌe, nduu i Iva ndo, ta ndóꞌo̱, nduu ndo seꞌe taa i tin seꞌe síꞌi i, káchi Iva yo Ndioxi, ra ndee ni ndee kúu mií.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Gálatas 4:14

Vani ndee ni ndee ndo̱ꞌo i ta si̱ndiꞌi ni i ini ndo xiꞌin kueꞌe ya ndo̱ꞌo i, ta köo ndi̱kuchitun ndo yeꞌe, ni köo ndi̱kundasi nuu ndo kuni ndo yeꞌe. Ndee ni ka va vaꞌa ndi̱kiꞌin ndo yeꞌe, nda tá kuꞌva ndíkiꞌin ndo iin tatun Ndioxi án tá kuꞌva ndíkiꞌin ndo mií Jesucristo, saa ndi̱kiꞌin ndo yeꞌe.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Efesios 1:1

Yeꞌe Pablo, ra ndi̱kaxin mií Ndioxi xáa chiñu i nuu ra ku i táa tutu yóꞌó xaa ya nuu ndiꞌi ndóꞌo̱, ndóo ñuu Éfeso, chi na i̱í, na kúu ñuu Ndioxi ku ndo ta ndinuꞌu ni ini ndo kándixa ndo Jesucristo.

Efesios 1:5

Xaꞌa ya kúꞌvi ni ini ra xíni ra yoo kua ndi̱kaxin ra yoo, saa ndi̱kuiso ndaꞌvi ra yoo ndu̱u yo seꞌe ra tixin Jesucristo. Chi saa chi̱tuni mií ra i̱kan ra xiꞌin yo, ta kúsini ni ra xaꞌa ya i̱kan ra saa xiꞌin yo.

Efesios 5:1

Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

Filipenses 1:1

Yeꞌe Pablo xiꞌin ra Timoteo, nde xáa chiñu nuu Tata yo Jesucristo ku nde táa tutu yóꞌó xaa ya nuu ndiꞌi ndóꞌo̱, na ñani yo, na i̱í, na ndíkun Jesucristo, ndóo ñuu Filipos. Tíꞌvi ni nde tuꞌun mani xaa ya nuu ndiꞌi ndo, saa tu tá kúu ndiꞌi ndóꞌo̱ na kúnaꞌnu xáꞌnda chiñu veꞌe ñuꞌu, xiꞌin ndiꞌi na chíndee taꞌan xiꞌin ndo.

Filipenses 1:8

Ta mií Ndioxi ku ra ndíkuiin xaꞌa ya káꞌan i saa xiꞌin ndo ya kúꞌvi ni ini i xíni i ndóꞌo̱, chi mií Jesucristo ku ra ta̱xi ya kuꞌvi ini i kuni i ndóꞌo̱, tá kuꞌva kúꞌvi ni ini mií ra xíni ra ndóꞌo̱.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

Colosenses 1:4

Saa chi ndeꞌe, ta ku̱ndaa ini nde xaꞌa ndo, ya ndee ni ndáa ini ndo xíni ndo Tata yo Jesucristo, ta saa kúꞌvi ni ini ndo xíni ndo na ñuu Ndioxi, na i̱í.

Colosenses 2:6

Xa ka̱ndixa ndo ra yakan kua xa ta̱xi ndo xáꞌnda chiñu ra nuu ndo, ta vaꞌa koo ndo tá kuꞌva kúni mií ra.

FILEMÓN 1:1

Yeꞌe ku ra Pablo, ra ndíkaa veꞌe kàà yóꞌó, ta xaꞌa ya káꞌan ndoso i tuꞌun vaꞌa xaꞌa Tata yo Jesucristo kua ndíkaa i yóꞌó. Ta xiꞌin ra Timoteo ñani yo kua táa i tutu yóꞌó xaa ya ndaꞌa un ñani yo Filemón, chi yóꞌo̱, ta xáa chiñu un nuu Tata yo Jesucristo tá kuꞌva xáa chiñu ndeꞌe nuu ra, ta ndee ni kúꞌvi ini nde xíni nde yóꞌo̱.

FILEMÓN 1:9

sundi yeꞌe, ta köo kúni i ikan i saa xiꞌin un, xáku ndaꞌvi va i nuu un xaꞌa ya íyo ni ya kúꞌvi ini Ndioxi nima i. Ta xa xíni mií un, yeꞌe, ta xa ku̱chee va i vitin, ta síin tu ndíkaa i veꞌe kàà yóꞌó va xaꞌa ya ndíkun i Tata yo Jesucristo.

El Apocalipsis 21:7

Ta ndiꞌi naꞌa na kúchiñu nuu ya väꞌa, na köo síndikoo yeꞌe, na yóꞌó ku na ndikuiso ndiꞌi ya vaꞌa taxi i ndaꞌa na. Ta ndiꞌi saa kivi ya vaxi koo i Ndioxi na, ta na ikán nduu na seꞌe mií i.