Gálatas 3:15 - Xochapa Mixteco

¹⁵ Ñani yo, ná kaꞌan i xiꞌin ndo ndá kuꞌva íkan mií yo ivi yóꞌó tá kivi kíndoo yo sixinu yo ndá ka chiñu: Tá íyo iin naꞌa ndítuꞌun taꞌan na xaꞌa iin chiñu ikan na xiꞌin taꞌan na, ta saa síkuaꞌa na iin tutu nuu kíndoo na xiꞌin taꞌan na. Tá xa ndi̱kuaꞌa tutu ikán ta sindiꞌi ta nda iin ka naꞌa küvi kindaa ya ki̱ndoo na nuu ya, ta ni küvi tiso ka na ya kúni mií na nuu ya, ni küvi tu ndikuaa na ya káꞌan va ya.

Gálatas 3:15 Mawu Ofanana

Los Hechos 1:15

Iin kivi ndi̱kitaꞌan ndiꞌi na kándixa Jesús ndóo na, iin kuꞌva ciento oko ku na ndóo. Ta saa ndi̱kundichi ra Pedro tañu na, ñaa xa̱á ra káꞌan ra xiꞌin na, káchi ra saa:

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

ROMANOS 3:5

Ya ndaa kua, xaꞌa ya väꞌa íkan yo ta sínaꞌa ya mií yo, ya iin mií Ndioxi ku ra ndaa ni nuu yo. Yakan kua ¿án vaꞌa kaꞌan yo xaꞌa Ndioxi, ra väꞌa ku ra chi táxi ra tíxuꞌvi yo xaꞌa kuachi yo? Soꞌva ndíkani xiní sava na ñuu ivi yóꞌó.

ROMANOS 6:19

Xiꞌin tuꞌun ya vaꞌa kundaa ini ndo xiꞌin ku ya káꞌan i xiꞌin ndo xaꞌa naꞌa na sa̱ta iin ra xáa chiñu na nuu ra. Chi xaꞌa ya kúu ndo na ñuu ivi yóꞌó ta ndíchi ni saa kundaa ini ndo xiꞌin ya. Sundi yachi tá täꞌan kandixa ndo Jesucristo, ta ta̱xi xiꞌin mií ndo ndaꞌa ya väꞌa i̱kan ni ndo ya kini, yakan vitin ta xíniñuꞌu ndo nditaxi ni ndo mií ndo ndaꞌa Ndioxi ya kuchiñu xaa súvi ndo ya vaꞌa, ya ndaa kúni mií ra.

1 Corintios 15:32

Ná ndituꞌun i xiꞌin ndo chi yeꞌe ta ndee ni ti̱xuꞌvi i ñuu Éfeso yóꞌó, ka̱nitaꞌan ni naꞌa xiꞌin i. Tá íyo kiti kueꞌe íyo iku saa íin naꞌa, na ka̱nitaꞌan xiꞌin i. Ta ni köo ndáa yaꞌvi vi ya kanitaꞌan i xiꞌin na tá tu ya ndixa kua köo ndítaku na ndíi. Ta án vaꞌa ka ikan yo tá káchi sava naꞌa káꞌan na: “Vaꞌa ná koꞌo yo ta ná kuxi va yo, saa chi taan isa ta kuvi va yo”, káchi na. Ta süvi saa íyo ya, chi ya ndixa va kua ndítaku na ndíi.

Gálatas 6:18

Ñani yo, mií Tata yo Jesucristo ná chikaa ni ya vaꞌa ndóꞌo̱. Saa ná koo.

HEBREOS 6:13

Saa chi tá kivi ki̱ndoo Ndioxi taxi ra ya vaꞌa ndaꞌa ra Abraham, ta xaꞌa ya köo ka naꞌa chee ka nuu mií ra, yakan chi̱naꞌa ra tixin ndee kúu mií ra ya sixinu ra ya ndi̱kaꞌan ra xiꞌin ra Abraham,

HEBREOS 6:16

Ya ndixa ni kua, ndiꞌi na ivi, tá kíndoo na sixinu na ya káꞌan na xiꞌin taꞌan na, ta chínaꞌa na nuu iin ra chee ka ya xaa súvi na ya kíndoo na xiꞌin taꞌan na. Xaꞌa ya kíndoo na saa xiꞌin taꞌan na ta ni köo ka naꞌa kaꞌan kuachi xiꞌin na.

HEBREOS 9:17

Sundi kivi táku na, vani xa ndi̱kuaꞌa tutu na íyo ya, ta köo ndáa yaꞌvi ya. Saa chi táku va na, yakan küvi nditaꞌvi ñaꞌa na, sundi tá ná kuvi na, saa kua kundaa yaꞌvi tutu ya si̱kuaꞌa na.