Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.
Gálatas 3:1 - Xochapa Mixteco1 ¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo. Onani mutuwo |
Gálatas 3:1
38 Mawu Ofanana
Ta suvi xiꞌin ndee Ndioxi kua kuchiñu nde sindiꞌi xaꞌa nde ndiꞌi tuꞌun väꞌa ya kánaꞌa naꞌa xaꞌa nde. Ta kuꞌva soꞌva kua kúchiñu nde síndiꞌi xaꞌa nde ndiꞌi ñaꞌa ya ndee ni xáa tai ini naꞌa, chi köo táxi ya kundaa ini na xaꞌa Ndioxi. Ta saa sínaꞌa nde na ya ná nditaxi ndiꞌi na ya ndíchi ndíkani ini na ndaꞌa Jesucristo, saa kua kuchiñu na xaa súvi na ya kúni mií ra.
Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.
Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.
Chi nda maestro ikán ta ndee ni kútai ini nda xiꞌin mií nda. Ta nda loꞌo köo xíni nda. Xaꞌa ya nina kútoo nda kaꞌan kuachi nda xiꞌin naꞌa unkua káꞌan iin iin nuu tuꞌun xaꞌa ya ikán kua xáa nda táva nda kuachi xiꞌin na veꞌe ñuꞌu, xáa na kûní ini na xíni taꞌan na, síkani taꞌan nda na, káꞌan kini na xiꞌin taꞌan na, ndíkani väꞌa ini na xíni taꞌan na,
Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.
Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.
Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.
Ta saa ni íyo kuachi ndo nuu i, chi xíto ndo ya väꞌa íkan iin ñaꞌa yá vata ítaꞌan xiꞌin ndo, ta köo káꞌan ndo xiꞌin yá. Chi káꞌan yá kúu yá, yá káꞌan ndoso tuꞌun yuꞌu Ndioxi, saa sínaꞌa yá tuꞌun ra, káchi yá, ta süvi ya ndaa ku ya káꞌan yá. Yá síndaꞌvi naꞌa va ku yá. Tá kuꞌva si̱ndaꞌvi yá Jezabel naꞌa, na xa̱a chiñu nuu i xinaꞌa, kuꞌva saa síndaꞌvi yá ñaa naꞌa, na xáa chiñu nuu i vitin. Saa chi táa si̱í yá nda taa ya koo tani nda, ta saa íkan tu yá xiꞌin ná síꞌi va. Ta saa táa si̱í yá na ndíkun yeꞌe ya kuxi na ñaꞌa ya síniꞌi naꞌa nuu ndioxi na ya ndíi án naꞌna ya káꞌan na xiꞌin kúu ndioxi na.
Zotsatsa