Gálatas 2:8 - Xochapa Mixteco

⁸ Ta suvi mií Ndioxi ku ra ta̱xi chiñu ndaꞌa ra Pedro ya xaa chiñu ra xaꞌa ya kúu ra apóstol nuu na judío. Ta saa i̱kan tu ra xiꞌin yeꞌe va, ta̱xi ra chiñu ndaꞌa i xaa chiñu i xiꞌin ndisaa na köo kúu judío.

Gálatas 2:8 Mawu Ofanana

Los Hechos 1:25

ndikiꞌin chiñu taꞌan ya i̱kan ra Judas, ra xi̱taꞌan xiꞌin nde, chi ra ikán ta si̱ndoo ra chiñu ya ta̱xi un ndaꞌa ra, ndi̱xiꞌi ra xaꞌa kuachi ra. Yakan kuaꞌan ra nuu xíniñuꞌu ra kuꞌun ra ―káchi nda xiꞌin Ndioxi.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 15:12

Ñaa vaꞌa ka ku̱taxin yuꞌu nda, ta xa̱á nda xíni soꞌo nda ya káꞌan ra Pablo xiꞌin ra Bernabé. Ndítuꞌun nda xiꞌin na xaꞌa yatuꞌun ndee ni i̱kan Ndioxi xiꞌin naꞌa tá ndi̱xaꞌan nda ndi̱kaꞌan ndoso nda tuꞌun ra xiꞌin na köo kúu judío.

Los Hechos 19:26

Ta xi̱ni soꞌo mií ndo saa xíto ndo unkua íkan ra káꞌan na xiꞌin Pablo. Xíka ra síndaꞌvi ra naꞌa, káꞌan ra xiꞌin na süvi ndioxi ku naꞌna ya síkuaꞌa ndaꞌa yo, káchi ra. Ta xa kuaꞌa ni na sáka ra xiní xaꞌa ya káꞌan ra. Süvi iindaa ñuu Éfeso yóꞌó ndi̱kan ra saa ndiꞌi ni kúu ñuu estado Asia yóꞌó xíka ra íkan ra saa.

Los Hechos 21:19

Saa chi̱ndee ra Pablo ndiꞌi na ikán, ta ndi̱kaꞌan ra xiꞌin na xaꞌa iin iin ñaꞌa ya i̱kan Ndioxi xiꞌin ra tá ndi̱xaꞌa ra nuu na köo kúu judío.

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

Los Hechos 4:4

Sundi yáꞌa ni kuaꞌa ku mií na xi̱ni soꞌo ya ndi̱kaꞌan nda, ñaa xa̱á na kándixa na Jesús. Iin kuꞌva uꞌun mil ku ndisaa nda taa.

Los Hechos 8:17

Ta saa chi̱nuu ndaꞌa ra Pedro xiꞌin ra Juan sata na, ta ndi̱kaꞌan nda xaꞌa na xiꞌin Ndioxi, ñaa ndi̱kiꞌin na Tachi I̱í Ndioxi.

Los Hechos 9:15

Saa ndi̱kuiin Tata yo Jesús káꞌan ra: ―Kuáꞌan koto un ra, chi ra ikán ku ra ndi̱kaxin i kuꞌun ra ndituꞌun ra xaꞌa i xiꞌin naꞌa na köo kúu judío, saa ndituꞌun tu ra xiꞌin nda rey va. Saa kuꞌun tu ra ndituꞌun ra xaꞌa i xiꞌin na judío va.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

1 Corintios 9:2

Vani köo xíin sava na ndikuni na yeꞌe, ya xíka i chiñu nuu Tata yo Jesucristo, sundi ndóꞌo̱ ta ndíkuni va ndo yeꞌe ya xáa chiñu i nuu ra. Chi ndóꞌo̱ ta tá káa sello ya xáni tutu, saa íin ndo, chi xa kándixa ndo Tata yo Jesucristo vitin. Yakan ndóꞌo̱ ku ndo ndíkuiin xaꞌa i ya xíka i chiñu nuu ra.

Gálatas 3:5

Ta ¿án xaꞌa ya xáa súvi ndo ley Ndioxi kua ta̱xi ra Tachi I̱í ra ndaꞌa ndo, túvi ndo? Saa tu ya íkan Ndioxi yatuꞌun xiꞌin va ndo ta ¿án xaꞌa ya xáa súvi ndo ley Ndioxi kua, túvi ndo? Süvi saa íyo ya. Xaꞌa ya xi̱ni soꞌo ndo tuꞌun vaꞌa xaꞌa Tata yo Jesucristo, ta ka̱ndixa ndo ya sikaku ra ndóꞌo̱. Xaꞌa ya ikán kua ta̱xi ra Tachi I̱í ra ndaꞌa ndo, saa tu ya íkan ra yatuꞌun xiꞌin va ndo.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.