Gálatas 2:7 - Xochapa Mixteco

⁷ Ta ku̱ndaa ini nda chiñu ñani yo ikán xaꞌa i ya ta̱xi Ndioxi chiñu ndaꞌa i kaꞌan ndoso i tuꞌun vaꞌa xaꞌa Tata yo Jesucristo nuu naꞌa, na köo kúu judío. Ta ra Pedro ku ra ndi̱niꞌi chiñu ya xaa chiñu ra nuu na kúu judío.

Gálatas 2:7 Mawu Ofanana

Los Hechos 15:12

Ñaa vaꞌa ka ku̱taxin yuꞌu nda, ta xa̱á nda xíni soꞌo nda ya káꞌan ra Pablo xiꞌin ra Bernabé. Ndítuꞌun nda xiꞌin na xaꞌa yatuꞌun ndee ni i̱kan Ndioxi xiꞌin naꞌa tá ndi̱xaꞌan nda ndi̱kaꞌan ndoso nda tuꞌun ra xiꞌin na köo kúu judío.

Los Hechos 18:6

Ta köo xíin na ikán ndikiꞌin na tuꞌun káꞌan ra Pablo xiꞌin na. Ñaa xa̱á na kánaꞌa na xiꞌin ra. Saa ki̱si ra tikoto ra, ta ndi̱kaꞌan ra xiꞌin na, káchi ra saa: ―Käꞌan ka i xiꞌin ndo. Vitin ndíso mií ndo kuachi xaꞌa ndo, köo ndíso ka i kuachi ndo. Vitin ta kuꞌun i kaꞌan ndoso i tuꞌun Ndioxi xiꞌin na köo kúu judío ―káchi ra Pablo xiꞌin na.

Los Hechos 28:28

Saa ndi̱kaꞌan ka ra Pablo xiꞌin na, káchi ra saa: ―Ta vaꞌa ná kundaa ini ndo vitin chi xaꞌa ya tuun ni nima ndo yakan kuꞌun i ndituꞌun i xiꞌin na köo kúu judío xaꞌa ya kúni Ndioxi sikaku ra na, chi na ikán ta kuni soꞌo va na ―káchi ra Pablo xiꞌin na.

Los Hechos 9:15

Saa ndi̱kuiin Tata yo Jesús káꞌan ra: ―Kuáꞌan koto un ra, chi ra ikán ku ra ndi̱kaxin i kuꞌun ra ndituꞌun ra xaꞌa i xiꞌin naꞌa na köo kúu judío, saa ndituꞌun tu ra xiꞌin nda rey va. Saa kuꞌun tu ra ndituꞌun ra xaꞌa i xiꞌin na judío va.

ROMANOS 1:5

Ta xaꞌa mií ra kua ta̱xi Ndioxi ya toꞌo chee ni ndaꞌa i kúu i apóstol, yakan ti̱ꞌvi ra yeꞌe ya chindee taꞌan i xiꞌin ndiꞌi ni kúu naꞌa, na ndóo ndiꞌi ni kúu ñuu ivi, na köo kúu judío ya kandixa na ra, saa xaa toꞌo na ra.

ROMANOS 11:13

Ta vitin káꞌan i xiꞌin ndóꞌo̱ köo kúu judío, ya ná kundaa ini ndo, yeꞌe ku ra apóstol, ra ti̱ꞌvi Ndioxi vaxi i kaꞌan ndoso i tuꞌun ra xiꞌin ndo, ta chiñu ndee ni ndee ku ya yóꞌó nuu i, ndáa yaꞌvi ni ya.

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Gálatas 1:18

Ndi̱yaꞌa uni kuiya, saa ke̱e i ndi̱xaꞌan i ñuu Jerusalén ya kuni taꞌan i xiꞌin ra Pedro, saa ndi̱ndoo i ndi̱xiyo i xiꞌin ra xaꞌun kivi.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Gálatas 2:11

Tá ndi̱xaꞌan ra Pedro ñuu Antioquía xi̱to ra na veꞌe ñuꞌu ikán, ta ndi̱ndaꞌi va yeꞌe xiꞌin ra, chi väꞌa ndíkan ra.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

1 Tesalonicenses 2:4

Chi mií Ndioxi ku ra xi̱to ndoso ndeꞌe, ta xi̱ni ra kuchiñu nde xiꞌin chiñu ya ta̱xi ra ndaꞌa nde ya kaꞌan ndoso nde tuꞌun vaꞌa xaꞌa ra xiꞌin naꞌa. Ta ndeꞌe, ta köo íkan nde ndá ka ñaꞌa ya xaa sií nde ini na ñuu ivi yóꞌó, sundi íkan nde ñaꞌa ya xaa sií nde ini Ndioxi, chi mií ra ku ra xíto ndoso nima ndiꞌi yo án ya vaꞌa kua, án süvi ya vaꞌa kua.

1 Timoteo 1:11

Ta naꞌa, na íkan ya väꞌa, ta köo íyo yuꞌu na xiꞌin tuꞌun vaꞌa ya ndaa, ya luvi ni sínaꞌa yo, chi mií Ndioxi ra vaꞌa ni ku ra ta̱xi chiñu ikán ndaꞌa i ya kaꞌan ndoso i ya xiꞌin naꞌa.

1 Timoteo 2:7

Ta xaꞌa ya ikán kua ta̱xi ra chiñu ndaꞌa i kaka i kaꞌan ndoso i tuꞌun ra ya ndaa xiꞌin naꞌa. Saa ta̱xi ra chiñu ndaꞌa i kúu i apóstol ra xáa chiñu nuu Tata yo Jesucristo, ta xa̱ꞌnda ra chiñu nuu i ya sinaꞌa i naꞌa, na köo kúu judío. Ta ya káꞌan i xiꞌin ndo ta ya ndaa ni kua, köo síndaꞌvi i ndóꞌo̱.

2 Timoteo 1:11

Ta ka̱na Ndioxi yeꞌe ya kaꞌan ndoso i tuꞌun vaꞌa xaꞌa ra, saa kaka i xaa chiñu i nuu ra, ta̱xi ra chiñu ndaꞌa i ya sinaꞌa i naꞌa, na köo kúu judío.

2 Pedro 3:15

Ta kuñuꞌu ini ndo xaꞌa ya kaꞌnu ni ini Tata yo Jesucristo kua ndátun ra yoo, chi kúni ra sikaku ra ndiꞌi naꞌa. Ta suvi taꞌan ya káꞌan i xiꞌin ndo yóꞌó kua ndi̱kaꞌan tu ra Pablo ñani va yo xiꞌin ndo. Tá ta̱a ra nuu ndo xiꞌin ya ndíchi vaxi nuu Ndioxi kua ta̱a ra.