Gálatas 2:5 - Xochapa Mixteco

⁵ Ta ndeꞌe, ta nda loꞌo köo ndi̱kandixa nde ya ndi̱kaꞌan nda vata ikán, chi kúni nde ná koo tuꞌun vaꞌa xaꞌa Jesucristo, ya ndaa, nima ndo.

Gálatas 2:5 Mawu Ofanana

Los Hechos 15:2

Ta saa xa̱á ra Pablo xiꞌin ra Bernabé ndáꞌi ni nda xiꞌin nda ikán, chi süvi ya ndaa kua sínaꞌa nda. Ñaa ndi̱taꞌnda chiñu kuꞌun ra Pablo xiꞌin ra Bernabé xiꞌin inka ka nda ndíkun Jesús ya kuꞌun nda ñuu Jerusalén xaa nani nda chiñu ikán xiꞌin nda apóstol tin na xikuaꞌa veꞌe ñuꞌu ikán.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 4:16

Ta vitin, ¿án xaꞌa ya ndítuꞌun i ya ndaa xiꞌin ndo kua ndu̱u i tá káa iin ra káni taꞌan xiꞌin ndo, túvi ndo?

Efesios 1:13

Ta saa i̱kan tu Ndioxi xiꞌin ndóꞌo̱ va, tá xi̱ni soꞌo ndo tuꞌun vaꞌa ya ndaa, ya kúu tuꞌun vaꞌa xaꞌa Cristo nuu kuchiñu ndo kaku ndo, ta ka̱ndixa ndo ya. Saa chi̱nuu ra tuni ra ndóꞌo̱, ta ya ikán ku Tachi I̱í ra, ya xa ki̱ndoo ra taxi ra ndaꞌa ndo.

Colosenses 1:5

Íkan ndo saa ndáa ni ini ndo Ndioxi, saa kúꞌvi ni ini ndo xíni ndo ra chi ku̱ndaa teꞌe ini ndo ya niꞌi ndo ñaꞌa nuu ra, ya chi̱vaꞌa ra xaꞌa ndo nuu ndivi. Chi xa ku̱ndaa teꞌe ni ini ndo tá xi̱ni soꞌo ndo tuꞌun vaꞌa ya ndaa ni xaꞌa Tata yo Jesucristo.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

Judas 1:3

Ñani mani, xa yachi vi kúni ni i taa i tutu yóꞌó xaa ya ndaꞌa ndo nuu káꞌan i xiꞌin ndo xaꞌa ya síkaku Iva yo Ndioxi yoo. Ta nda vitin vi táa i ya xaa ya nuu ndo ya ndúku ni i ya mani nuu ndo káꞌan i xiꞌin ndo, täxi ndo sindaꞌvi nda sínaꞌa ya vata ndóꞌo̱, ta xaꞌa ni ka ndo nde ya kandixa ni ndo tá kuꞌva ku̱ndaa ini na ñuu Ndioxi.