Gálatas 2:3 - Xochapa Mixteco

³ Ta vaꞌa va chi ndi̱xiyo va yuꞌu nda xiꞌin i kuꞌva ndítuꞌun i xiꞌin naꞌa, na köo kúu judío, ya köo xíniñuꞌu na xaa súvi na ya ndikunuu tuni Ndioxi mií na. Ni ra Tito, ñani yo, ta süvi ra judío ku ra, chi ra griego ku ra, ta köo ndixaa nduxa nda xiꞌin ra ya ndikunuu tuni Ndioxi ra.

Gálatas 2:3 Mawu Ofanana

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

Los Hechos 16:3

Saa kúni ra Pablo kuꞌun ra Timoteo xiꞌin nda. Ñaa xa̱ꞌnda ra chiñu ya ná ndikunuu tuni Ndioxi ra takua ná ndikiꞌin vaꞌa na judío ra ñuu nuu kuꞌun ra xiꞌin nda, chi xíni na ya kúu iva ra griego.

2 Corintios 2:13

Sundi köo ndi̱kuvi xaa chiñu i, chi si̱ndiꞌi ni ya ini i xaꞌa ya köo ndi̱taꞌan i ra Tito ñani yo, yakan vaꞌa ka ndi̱kaꞌan ndioxi i xiꞌin na ñani yo ñuu Troas, ta ndi̱kiꞌin i kuaꞌan i chí estado Macedonia.

Gálatas 2:1

Ndi̱yaꞌa uxi kumi kuiya saa ndi̱ko koo i ñuu Jerusalén, ndi̱xaꞌan i xiꞌin ra Bernabé, ñani yo, saa tu ra Tito va.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.