Gálatas 2:21 - Xochapa Mixteco

²¹ Xaꞌa ya ikán kua küvi kundasi nuu i ya vaꞌa ndi̱niꞌi uun i nuu Ndioxi, ya kúꞌvi ni ini ra xíni ra yeꞌe. Chi tá tu ya ndi̱kuchiñu ku ley ndasa vaꞌa ya naꞌa, nduu na tá íin naꞌa, na köo ka kuachi kúu mií nuu Ndioxi, ta ni köo ndáa yaꞌvi vi ya ndi̱xiꞌi Tata yo Jesucristo, ndíkuu.

Gálatas 2:21 Mawu Ofanana

San Marcos 7:9

Saa ndi̱kaꞌan ka ra xiꞌin nda, káchi ra saa: ―Ni köo kíꞌin ndo kuenta xaꞌa ya káꞌan Ndioxi, kíꞌin ka ndo kuenta xaꞌa ichí ya si̱ndoo xii yo.

ROMANOS 10:3

Täꞌan kundaa ini na ndá kuꞌva kua nduu na, naꞌa na vaꞌa, na köo ka kuachi ku mií nuu Ndioxi. Ta ku̱ni na ikan na ya kúni mií na, süvi tá kuꞌva kúni mií Ndioxi kua.

ROMANOS 11:6

Xaꞌa ya vaꞌa ni Ndioxi kua i̱kan ra saa xiꞌin yo, süvi xaꞌa nda iin ya vaꞌa íkan yo kua ndi̱kaxin ra yoo, xaꞌa ya kúꞌvi ni ini ra xíni ra yoo kua i̱kan ra saa xiꞌin yo. Saa chi tá tu xaꞌa ya vaꞌa íkan yo kua, ta köo ndáa yaꞌvi ya ndi̱niꞌi uun yo nuu Ndioxi, ya kúꞌvi ni ini ra xíni ra yoo, ndikuu.

ROMANOS 4:25

Saa chi mií ra ku ra ta̱xi Jesucristo ya ndi̱xiꞌi ra xaꞌa kuachi yo, ta xaꞌa ya ndi̱taku ra yakan ku̱chiñu ra si̱kitaꞌan ra yoo xiꞌin Ndioxi, saa ku̱chiñu yo ndu̱u yo tá íin naꞌa na vaꞌa, na köo ka kuachi kúu mií nuu ra.

ROMANOS 8:31

Xaꞌa ya vaꞌa ni íkan Ndioxi xiꞌin yo, íyo ra xiꞌin yo ta nda iin naꞌa küchiñu xaa nduvaꞌa xiꞌin yo.

1 Corintios 15:14

Tá tu köo ndítaku Tata yo Jesucristo, ndikuu, ta ni tuꞌun ya káꞌan ndoso ndeꞌe xiꞌin ndo, ta ni köo ndáa yaꞌvi mií ya ndíkuu, ta ni ya kándixa ndo ra ta köo ndáa yaꞌvi ya, ndíkuu.

1 Corintios 15:17

Chi tá tu köo ndi̱taku Tata yo Jesucristo, ta ya mani uun va kua kándixa ndo ra, ta nda vitin ta íyo yaa va kuachi ndo nuu ra, ndíkuu.

1 Corintios 15:2

Tuꞌun ya ndi̱kaꞌan i xiꞌin ndo ku ya síkaku ndóꞌo̱, tá tu ndinuꞌu ni ini ndo kándixa ndo ya xa ndi̱kaꞌan i xiꞌin ndo, tá tu köo ndi̱chikaa uvi ini ndo xiꞌin ya xa xi̱ni soꞌo ndo ndi̱kaꞌan i.

Gálatas 2:16

Sundi xa xíni yo, nda iin naꞌa, küchiñu ndikitaꞌan vaꞌa xiꞌin Ndioxi xaꞌa ya xáa súvi ni na ley ra. Ndi̱saa xaꞌa ya ndáa ni ini yo xíni yo Jesucristo va kua ndíkuiso vaꞌa ra yoo. Xaꞌa ya ikán kua kándixa ni yo Jesucristo, ya ná kuchiñu yo nduu yo naꞌa, na vaꞌa, na köo ka kuachi kúu mií nuu ra. Ta süvi xaꞌa ya xáa súvi yo ley Ndioxi kua ndíkuiso mani ra yoo nuu ra, chi tá tu xaꞌa ya xáa súvi yo ley ra kua, ta nda iin yo küchiñu ndikundoo vaꞌa xiꞌin ra, ndikuu.

Gálatas 2:18

Chi tá ná ndiko koo tuku i sinaꞌa i taꞌan ya xa si̱ndoo ndaꞌa i, ya si̱naꞌa i yachi ta väꞌa mií vi káa ya, kini ni va káa ya tá ná ikan i saa.

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

HEBREOS 7:11

Ta ley Ndioxi ya ta̱xi ra ndaꞌa ra Moisés kua káꞌan ndá kuꞌva xaa chiñu nda sutu nda ndi̱xiyo seꞌe sikua ra Leví. Sundi köo ndi̱kuchiñu nda sutu ikán ndasa vaꞌa nda naꞌa nuu Ndioxi. Xaꞌa ya ikán kua xi̱niñuꞌu ni ki̱xi inka sutu, ta süvi ka taꞌan nda sutu seꞌe sikua ra Leví án ra Aarón ku ra xíniñuꞌu ni ki̱xi, ra xíniñuꞌu ni kixi ku taꞌan sutu ra Melquisedec.