Gálatas 2:2 - Xochapa Mixteco

² Ndi̱xaꞌan i ñuu Jerusalén, saa chi saa íyo ya si̱naꞌa Ndioxi nuu i ya xíniñuꞌu i kuꞌun i. Saa ndi̱kitaꞌan i xiꞌin ndisaa mií nda ñani yo, nda ínuu tuꞌun ndíso chiñu xiꞌin veꞌe ñuꞌu ñuu Jerusalén. Ta ndi̱tuꞌun i xiꞌin nda xaꞌa tuꞌun vaꞌa ya ndíkani i xaꞌa Tata yo Jesucristo nuu naꞌa, na köo kúu judío. Ndi̱tuꞌun teꞌe i xiꞌin nda ya ná kundaa ini nda ya köo ndi̱nama i tuꞌun ya ndítuꞌun i xiꞌin naꞌa xaꞌa Jesucristo, chi köo kúni i xaa chiñu uun i, tá tu köo íyo yuꞌu nda xiꞌin i xaꞌa chiñu íkan i.

Gálatas 2:2 Mawu Ofanana

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

Los Hechos 15:12

Ñaa vaꞌa ka ku̱taxin yuꞌu nda, ta xa̱á nda xíni soꞌo nda ya káꞌan ra Pablo xiꞌin ra Bernabé. Ndítuꞌun nda xiꞌin na xaꞌa yatuꞌun ndee ni i̱kan Ndioxi xiꞌin naꞌa tá ndi̱xaꞌan nda ndi̱kaꞌan ndoso nda tuꞌun ra xiꞌin na köo kúu judío.

Los Hechos 15:2

Ta saa xa̱á ra Pablo xiꞌin ra Bernabé ndáꞌi ni nda xiꞌin nda ikán, chi süvi ya ndaa kua sínaꞌa nda. Ñaa ndi̱taꞌnda chiñu kuꞌun ra Pablo xiꞌin ra Bernabé xiꞌin inka ka nda ndíkun Jesús ya kuꞌun nda ñuu Jerusalén xaa nani nda chiñu ikán xiꞌin nda apóstol tin na xikuaꞌa veꞌe ñuꞌu ikán.

Los Hechos 15:4

Ñaa ndi̱xaa ra Pablo xiꞌin ra Bernabé tin nda kuaꞌan xiꞌin ra. Ndi̱xaa nda ñuu Jerusalén, ta ndiꞌi na ndíkun Jesús xiꞌin nda apóstol tin na xikuaꞌa veꞌe ñuꞌu vaꞌa ka vi ndi̱kuiso ñaꞌa na. Ta ndi̱tuꞌun ndiꞌi ra Pablo xiꞌin na ya i̱kan Ndioxi xiꞌin nda nuu ndi̱xaꞌan nda xa̱a súvi nda chiñu ra.

Los Hechos 18:9

Saa ku̱u iin ñǔu índuꞌu ra Pablo kíxi ra, ta si̱tuvi ya nuu ra xi̱ni ra káꞌan Tata yo Jesús xiꞌin ra, káchi ra saa: ―Ku ïꞌvi un. Kaꞌan ndoso ni un tuꞌun i. Kütaxin yuꞌu un.

Los Hechos 23:11

Saa tá ku̱ñuu ta ndi̱tuvi Tata yo Jesús nuu ra Pablo, káꞌan ra xiꞌin ra, káchi ra saa: ―Xaꞌa un ndee yóꞌo̱ Pablo, ku ïꞌvi un saa chi tá kuꞌva ndíkuiin un káꞌan un xaꞌa i ñuu Jerusalén yóꞌo̱, saa ndikuiin tu un kaꞌan un xaꞌa i ñuu Roma va ―káchi Tata yo Jesús xiꞌin ra.

Los Hechos 5:34

Ta tañu na ikán ndíkaa iin ra fariseo, ra náni Gamaliel, ra ndíchi ni ku ra ikán, sínaꞌa ra ley Ndioxi ya ta̱a ra Moisés. Ta ndiꞌi na ñuu káñuꞌu ni ñaꞌa na. Saa ndi̱kundichi sava ra maꞌñu na, xa̱ꞌnda ra chiñu tava na nda ke̱e nda keꞌe iin rato loꞌo.

ROMANOS 9:16

Yakan kua ná kundaa ini yo, chi süvi xaꞌa ya chíkaa ini mií naꞌa ikan na kua kúꞌvi ini ra xíni ra na, ni süvi xaꞌa ya ndíkundee ni na íkan na ndá ka ñaꞌa kua. Xaꞌa ya kúni mií Ndioxi kua íkan ra saa xiꞌin na.

1 Corintios 1:23

Sundi ndeꞌe, ta xaꞌa Jesucristo, ra ndi̱xiꞌi nuu cruzin xaꞌa kuachi va yo kua káꞌan ndoso nde xiꞌin na. Ta tuꞌun yóꞌó nda tá káa yu̱ú nuu káchiꞌi xaꞌa na kóyo na, saa káa ya nuu na judío. Ta na griego ndíkani ini na, tá káa ya kíꞌvi va, saa káa ya nuu na.

1 Corintios 2:2

Saa tá ndi̱xiyo i xiꞌin ndo, ta chi̱kaa ini i kaꞌan i xiꞌin ndo ndisaa xaꞌa Cristo, ta köo ndi̱xiin i kaꞌan i xiꞌin ndo ndá ka ñaꞌa, ndisaa xaꞌa ya ndi̱xiꞌi ra nuu cruzin kua ndi̱kaꞌan i xiꞌin ndo.

1 Corintios 9:24

Ta xa kúndaa vaꞌa ini ndo, naꞌa na xínu nuu kéꞌe taꞌan na, ta kuaꞌa ni va ku na xínu, ta süvi ndiꞌi na níꞌi ñaꞌa, iindaa va ku na kúchiñu níꞌi ya. Ta saa ndóꞌo̱, ndinuꞌu ni ini ndo xaa súvi ndo ya kúni Ndioxi, tá kuꞌva íkan na kéꞌe taꞌan saa ikan ndo ndakua ná ndikiꞌin ndo ñaꞌa ya niꞌi ndo nuu Ndioxi.

1 Corintios 9:26

Yakan yeꞌe, ta tá káa ra xínu ni án tá káa ra ndee ni káni taꞌan nuu kéꞌe taꞌan na kúun na ikin nuu taꞌan na, saa káa i, ndee ni va ndíꞌi ini i xáa súvi i chiñu Ndioxi ta köo xínu kíꞌvi i, ni köo káni taꞌan i tá kuꞌva íkan naꞌa, na kúun ikin nuu tachi kuiti.

2 Corintios 12:1

Ta ya ndaa kua nda iin ñaꞌa köo níꞌi naꞌa, na chínuu vaꞌa ni mií tuꞌun. Ta saa ni xíniñuꞌu i ndituꞌun i xiꞌin ndo xaꞌa ñaꞌa ya ta̱xi Ndioxi ndaꞌa i, chi mií ra ku ra si̱tuvi ya nuu i.

Gálatas 1:12

Chi süvi na ivi yóꞌó ku na ndi̱taxi ya ndaꞌa i, ta ni süvi na ivi yóꞌó ku na ndi̱sinaꞌa ya yeꞌe. Mií Tata yo Jesucristo ku ra ta̱xi ya ndaꞌa i tá ndi̱tuvi ra nuu i.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Gálatas 2:6

Ta nda ñani yo ndóo ñuu Jerusalén, nda kúnaꞌnu, ndíso chiñu xiꞌin na veꞌe ñuꞌu, ta nda iin ya köo ndi̱kaꞌan nda xiꞌin i ya nama i kuꞌva sínaꞌa i naꞌa. Ta saa ni yeꞌe ta köo xíka ini i xaꞌa ya káꞌan nda, ni nda naꞌnu ni va ku nda. Saa chi nuu Ndioxi ta iin káchi íin ndiꞌi va yo ivi yóꞌó nuu ra.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

Gálatas 5:7

Ta ndóꞌo̱, ta vaꞌa ni va xa̱a súvi ndo ndi̱xika ndo ichí ra ya ndaa. Ta ¿unku na si̱ndaꞌvi ndóꞌo̱ ya kündikun ka ndo ichí ra?

Filipenses 2:16

Chi tuun ni ndíkun ndo tuꞌun ra ya táxi táku ndo xiꞌin Ndioxi. Tá íkan ndo ya yóꞌó, ni yeꞌe, ta vaꞌa ni kúni i xiꞌin ndo. Chi kivi tá ná ndiko koo Cristo ñuu ivi yóꞌó ta kuni ra ya ndixa kua xa̱a chiñu i xiꞌin ndo, ta köo ndi̱xaa chiñu uun i xiꞌin ndo.

Filipenses 2:29

Tá ná xaa ra nuu ndo, ta ndikiꞌin vaꞌa ndo ra, kusini ni ndo xiꞌin ra. Chi ra yóꞌó ta ndee ni xáa chiñu ra nuu Tata yo Jesucristo. Ta ndiꞌi na íkan tá kuꞌva íkan ra yóꞌó ta xaa toꞌo ni ndo na.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

2 Timoteo 4:7

Tá káa iin ra lapa, ra ndee ni vaꞌa xíka nuu kuachi, saa íyo i. Ta íyo tu i tá káa iin taa, ra ndee ni vaꞌa xínu va, chi ndee ni chi̱kaa ini i xa̱a súvi ni i chiñu nuu Tata yo Jesucristo, ta vitin xa si̱xinu ndiꞌi i chiñu i̱kan i nuu ra. Ta köo ndi̱sindoo i ichí ra, ndee ni ndáa ini i xíni i ra.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.