Gálatas 2:18 - Xochapa Mixteco

¹⁸ Chi tá ná ndiko koo tuku i sinaꞌa i taꞌan ya xa si̱ndoo ndaꞌa i, ya si̱naꞌa i yachi ta väꞌa mií vi káa ya, kini ni va káa ya tá ná ikan i saa.

Gálatas 2:18 Mawu Ofanana

ROMANOS 14:15

Saa chi tá xaꞌa ñaꞌa ya xíxi ndo kua síndiko koo ndo ini na xaꞌa ya kándixa na Jesús, ta kúni kachi ya köo kúꞌvi ini ndo xíni ndo na. Täxi ndo ndiꞌi xaꞌa naꞌa xaꞌa ñaꞌa xíxi ndo, saa chi Cristo ku ra ndi̱xiꞌi xaꞌa na.

ROMANOS 2:25

Tá tu xáa súvi ni ndo ley Ndioxi ta saa kua vaꞌa ndáa yaꞌvi ni ya ndíkunuu tuni Ndioxi ndóꞌo̱. Tá tu köo xáa súvi ndo ya, ta ni köo ndáa yaꞌvi ya ndíkunuu tuni Ndioxi ndóꞌo̱. Tá íin naꞌa, na köo tuni Ndioxi kúu mií, saa íin ndo.

ROMANOS 3:5

Ya ndaa kua, xaꞌa ya väꞌa íkan yo ta sínaꞌa ya mií yo, ya iin mií Ndioxi ku ra ndaa ni nuu yo. Yakan kua ¿án vaꞌa kaꞌan yo xaꞌa Ndioxi, ra väꞌa ku ra chi táxi ra tíxuꞌvi yo xaꞌa kuachi yo? Soꞌva ndíkani xiní sava na ñuu ivi yóꞌó.

Gálatas 2:21

Xaꞌa ya ikán kua küvi kundasi nuu i ya vaꞌa ndi̱niꞌi uun i nuu Ndioxi, ya kúꞌvi ni ini ra xíni ra yeꞌe. Chi tá tu ya ndi̱kuchiñu ku ley ndasa vaꞌa ya naꞌa, nduu na tá íin naꞌa, na köo ka kuachi kúu mií nuu Ndioxi, ta ni köo ndáa yaꞌvi vi ya ndi̱xiꞌi Tata yo Jesucristo, ndíkuu.

Gálatas 5:11

Ñani yo, tá tu yeꞌe sínaꞌa ku i naꞌa xaꞌa ya ná xaa súvi ka na costumbre ya ndikunuu tuni Ndioxi na, ni na judío ta xäa nduvaꞌa ka na xiꞌin i, ndíkuu. Chi tá saa ná kaꞌan i xiꞌin na ta säa ka ini na kuni yeꞌe xaꞌa ya sínaꞌa i ya ndi̱xiꞌi Jesucristo nuu cruzin xaꞌa kuachi yo, ndikuu.