Gálatas 1:9 - Xochapa Mixteco

⁹ Xa saa ndi̱kaꞌan i xiꞌin ndo yachi, ta saa káꞌan tuku i xiꞌin ndo vitin: tá ndá naꞌa sínaꞌa ndóꞌo̱ tuꞌun vaꞌa xaꞌa Jesucristo, ta süvi taꞌan ya ndi̱tuꞌun nde xiꞌin ndo kua, síin nuu kua sínaꞌa na ndóꞌo̱, ta ¡vaꞌa ná tavi chiꞌña Ndioxi na ñaa!

Gálatas 1:9 Mawu Ofanana

Los Hechos 18:23

Saa ndi̱xiyo ra uvi ndaá kivi ñuu ikán. Ñaa ndi̱kiꞌin ra kuaꞌan ra iin iin ñuu ya ñúꞌu estado Galacia xiꞌin estado Frigia. Kuaꞌan ra káꞌan ka ra xiꞌin na ndíkun Jesús, chíndee ra na ya ná kandixa ka na Jesús.

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

ROMANOS 9:3

Saa chi ndinuꞌu ni ini i kúni i chindee taꞌan i xiꞌin na ya ná kandixa na Jesucristo, ta saa ndikundikun na Ndioxi. Tá ya kúvi ku ya kundiso i chiꞌña ya kuxika i ichí Jesucristo ndikuu, ta vaꞌa ikan i saa ya kuchiñu chindee i na ya ná ndikundikun na ra, chi kúꞌvi ni ini i xíni i na.

2 Corintios 1:17

Ta ¿án ndíkani ini ndo ya köo ndi̱kiꞌin vaꞌa i kuenta tá kivi ndi̱kani ini i xaa i koto i ndóꞌo̱, túvi ndo? ¿Án xíka ini ndo xaꞌa i ya uvi yuꞌu i, ta íkan i tá íkan na ñuu ivi yóꞌó, tá káꞌan na: “vaꞌa va”, káchi na, ta iin naꞌa loꞌo ta xa káꞌan tuku na “küvi vi”, káchi tuku na. Sundi yeꞌe, ta köo ndi̱kan i saa xiꞌin ndo.

Filipenses 3:1

Ñani yo xiꞌin kuꞌva yo, vitin káꞌan i xiꞌin ndo kusini ni ndo xiꞌin ya i̱kan Tata yo Jesucristo xaꞌa ndo. Chi yeꞌe, ta köo kúxuxan i taa tuku i ya xa ta̱a i xaa nuu ndo, chi ya yóꞌó kua chindee ni ndóꞌo̱.

Filipenses 4:4

Ndiꞌi saa kivi ná kusini ni ndo xaꞌa Tata yo Jesucristo. Saa káꞌan tuku i xiꞌin ndo: Kusini ni ndo.