Gálatas 1:7 - Xochapa Mixteco

⁷ Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

Gálatas 1:7 Mawu Ofanana

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

Los Hechos 13:10

Ta ndi̱kaꞌan ra xiꞌin ra, káchi ra saa: ―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa.

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

2 Corintios 11:13

Chi nda vata va ku nda apóstol ikán, ta ndása nda mií nda apóstol, ta süvi ya ndixa kua xáa chiñu nda nuu Cristo, nda síndaꞌvi naꞌa va ku nda.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

Gálatas 4:17

Chi naꞌa, na xáa nduxa xiꞌin ndo ya ndikundikun ndo ley ya ta̱a ra Moisés ta süvi na vaꞌa ku na, yakan ndee ni va ndúku na kuꞌva ya koo vaꞌa ni ini ndo xiꞌin na, sundi väꞌa ndíkani ini na xíni na ndóꞌo̱. Kúni na ná kuxika ndo nuu nde, ta ndisaa mií na ná kundikun ndo, ta köo kúni na kundikun ndo inka naꞌa.

Gálatas 5:10

Ta yeꞌe, ta kándixa i ya chindee Ndioxi ndóꞌo̱ ya kundaa ini ndo, ya ná kändixa ndo ya káꞌan nda vata ñaa xiꞌin ndo. Chi nda ñaa ku nda sáka ini ndo xaꞌa ñaꞌa ya káꞌan nde xiꞌin ndo, ta vaꞌa chi mií Ndioxi ku ra sindoꞌo ini nda xaꞌa ya íkan nda saa, án ndá ka mií naꞌa kúu va na, ta saa ikan ra xiꞌin na.

Gálatas 5:12

Ta naꞌa, na síndaꞌvi ndóꞌo̱ ya ndikunuu tuni Ndioxi ndóꞌo̱, ta ¡án vaꞌa ka ná kaꞌnda vaꞌa va na mií na, nduu capo va na, káchi yeꞌe!

Gálatas 6:17

Ñani yo, yóꞌó ku nuu káꞌan i xiꞌin ndo, xíkan ni i ya mani nuu ndo, täva ka ndo kuachi xiꞌin i. Chi yeꞌe, ta ndee ni va kuaꞌa yanda íyo ikin kuñu i nuu ti̱kueꞌe ni i xaꞌa ya ndóꞌo ni i xaꞌa Tata yo Jesucristo.

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.

1 Juan 2:26

Táa i ya yóꞌó xaa nuu ndo ya ná kiꞌin ni ndo kuenta xiꞌin naꞌa, na kúni sindaꞌvi ndóꞌo̱.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

2 Juan 1:10

Tá ndá na xáa nuu ndo, ta köo sínaꞌa na ndóꞌo̱ tá kuꞌva si̱naꞌa nde ndóꞌo̱ xaꞌa Tata yo Jesucristo, ta ndïkuiso ndo na koo na veꞌe ndo xaꞌa ya köo vaꞌa sínaꞌa na, ta ni käꞌan ndo xiꞌin na yaꞌa na koo na xiꞌin ndo.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 19:20

Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.

El Apocalipsis 2:2

Xa xíni i xaꞌa ndiꞌi ya vaꞌa íkan ndo, saa xíni i ndee ni ndee xáa chiñu ndo nuu i, saa xíni i ya xáꞌa ndee ni ini ndo xiꞌin ya tíxuꞌvi ndo. Ta xíni i ya kúndasi ni nuu ndo xíni ndo naꞌa, na íkan ya väꞌa. Saa xíni i ya xi̱to ndoso ndo nda káꞌan xáa chiñu nda nuu Iva yo Ndioxi, ta süvi ya ndaa ku ya xáa chiñu nda nuu ra.

El Apocalipsis 2:20

Ta saa ni íyo kuachi ndo nuu i, chi xíto ndo ya väꞌa íkan iin ñaꞌa yá vata ítaꞌan xiꞌin ndo, ta köo káꞌan ndo xiꞌin yá. Chi káꞌan yá kúu yá, yá káꞌan ndoso tuꞌun yuꞌu Ndioxi, saa sínaꞌa yá tuꞌun ra, káchi yá, ta süvi ya ndaa ku ya káꞌan yá. Yá síndaꞌvi naꞌa va ku yá. Tá kuꞌva si̱ndaꞌvi yá Jezabel naꞌa, na xa̱a chiñu nuu i xinaꞌa, kuꞌva saa síndaꞌvi yá ñaa naꞌa, na xáa chiñu nuu i vitin. Saa chi táa si̱í yá nda taa ya koo tani nda, ta saa íkan tu yá xiꞌin ná síꞌi va. Ta saa táa si̱í yá na ndíkun yeꞌe ya kuxi na ñaꞌa ya síniꞌi naꞌa nuu ndioxi na ya ndíi án naꞌna ya káꞌan na xiꞌin kúu ndioxi na.

El Apocalipsis 2:6

Ni saa va, sundi íyo iin ya vaꞌa íkan ndo, ya kúsini i xiꞌin ndo, chi ndóꞌo̱ ta kúndasi nuu ndo xíni ndo ya íkan naꞌa, na ndíkun sata ra Nicolás, tá kuꞌva kúndasi nuu yeꞌe ya, saa kúndasi ndo ya.

El Apocalipsis 20:3

Tá ndi̱ꞌi ka̱tun ñaꞌa ya kiti nǎꞌa ikán saa ki̱ꞌin ñaꞌa ya si̱kana táku ya ini yavi kunu ni ikán, saa ndi̱kasi tuun vaꞌa ya yuꞌu yavi ikán ta ki̱ꞌin ya sello chi̱nuu ya yuꞌu mií yavi ikán. Ya ná küchiñu ri keta ri sindaꞌvi ri na ñuu ivi, nda ná xinu mil kuiya ndikaa ri saa keta ndíka ri kaka ri uvi ndaa kivi.