Gálatas 1:6 - Xochapa Mixteco

⁶ Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Gálatas 1:6 Mawu Ofanana

San Marcos 6:6

Ta ndi̱kanda ini ra xi̱ni ra na, chi tuun ni nima na, köo xíin na kandixa ñaꞌa na. Saa ndi̱xika ra ndiꞌi kúu ñuu vali ya íyo yati sínaꞌa ra tuꞌun Ndioxi.

San Juan 9:30

Saa ndi̱kuiin ra káꞌan ra: ―Ndíkanda ini i xíto i nuu ndo, chi káꞌan ndo köo xíni ndo míí chí ke̱e ra, sundi yeꞌe ta si̱ndaꞌa ra yeꞌe, xu̱na ra nuu i.

Los Hechos 15:11

Ta xa xíni yo süvi ya ikán kua ndi̱sikaku yoo, chi xaꞌa ya kándixa yo Tata yo Jesús va kua síkaku uun ra yoo ta saa síkaku tu ra na ikán va ―káchi ra Pedro xiꞌin na.

ROMANOS 10:3

Täꞌan kundaa ini na ndá kuꞌva kua nduu na, naꞌa na vaꞌa, na köo ka kuachi ku mií nuu Ndioxi. Ta ku̱ni na ikan na ya kúni mií na, süvi tá kuꞌva kúni mií Ndioxi kua.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

ROMANOS 8:30

Ta naꞌa yóꞌó ku na ndi̱kaxin Ndioxi yachi ka, saa ka̱na ra na ndu̱u na seꞌe ra, ka̱na ra na ndu̱u na tá íin naꞌa, na köo ka kuachi kúu mií nuu ra, ta ta̱xi ra koo na xiꞌin ra nuu íyo ndiꞌi ya luvi ni yéꞌe̱.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

2 Corintios 11:4

Chi ndóꞌo̱ ta ya vaꞌa ndíkuiso ndo ku ndiꞌi va tuꞌun ya ndíkani inka nda taa nuu ndo, ni xa síin kua káꞌan nda xiꞌin ndo, sínaꞌa nda ndóꞌo̱. Ta saa vaꞌa ni ndíkuiso ndo inka nuu tachi, ta süvi taꞌan Tachi I̱í Ndioxi ya xa ndi̱kiꞌin ndo ku ya káꞌan nda xaꞌa xiꞌin ndo, ta saa vaꞌa ni xíni soꞌo ndo ya káꞌan nda xiꞌin ndo xaꞌa tuꞌun vaꞌa xaꞌa Jesucristo. Ta süvi taꞌan kuꞌva si̱naꞌa nde ndóꞌo̱ kua káꞌan nda xiꞌin ndo, chi xa síin va kua káꞌan nda xiꞌin ndo.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

Gálatas 1:11

Ñani yo, kúni i ná kundaa ini ndo xaꞌa tuꞌun vaꞌa ya ndi̱kaꞌan ndoso i xiꞌin ndo xaꞌa Jesucristo, ta süvi tuꞌun ya ka̱ku xi̱ní na ñuu ivi yóꞌó ku ya.

Gálatas 1:15

Sundi täꞌan ka vi kaku i, ñúꞌu ka va i tixin siꞌí i tá ndi̱kaxin Ndioxi yeꞌe, ta xaꞌa ya si̱niꞌi uun ra nuu i kúꞌvi ni ini ra xíni ra yeꞌe i̱kan ra ya mani xiꞌin i, ka̱na ra yeꞌe ya xaa chiñu i nuu ra.

Gálatas 1:7

Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 2:2

Ndi̱xaꞌan i ñuu Jerusalén, saa chi saa íyo ya si̱naꞌa Ndioxi nuu i ya xíniñuꞌu i kuꞌun i. Saa ndi̱kitaꞌan i xiꞌin ndisaa mií nda ñani yo, nda ínuu tuꞌun ndíso chiñu xiꞌin veꞌe ñuꞌu ñuu Jerusalén. Ta ndi̱tuꞌun i xiꞌin nda xaꞌa tuꞌun vaꞌa ya ndíkani i xaꞌa Tata yo Jesucristo nuu naꞌa, na köo kúu judío. Ndi̱tuꞌun teꞌe i xiꞌin nda ya ná kundaa ini nda ya köo ndi̱nama i tuꞌun ya ndítuꞌun i xiꞌin naꞌa xaꞌa Jesucristo, chi köo kúni i xaa chiñu uun i, tá tu köo íyo yuꞌu nda xiꞌin i xaꞌa chiñu íkan i.

Gálatas 2:5

Ta ndeꞌe, ta nda loꞌo köo ndi̱kandixa nde ya ndi̱kaꞌan nda vata ikán, chi kúni nde ná koo tuꞌun vaꞌa xaꞌa Jesucristo, ya ndaa, nima ndo.

Gálatas 2:7

Ta ku̱ndaa ini nda chiñu ñani yo ikán xaꞌa i ya ta̱xi Ndioxi chiñu ndaꞌa i kaꞌan ndoso i tuꞌun vaꞌa xaꞌa Tata yo Jesucristo nuu naꞌa, na köo kúu judío. Ta ra Pedro ku ra ndi̱niꞌi chiñu ya xaa chiñu ra nuu na kúu judío.

Gálatas 5:14

Chi ley Ndioxi ya ta̱a ra Moisés, ta xiꞌin iin tuꞌun yóꞌó kua xáa súvi ndo ndiꞌi ya káꞌan ya, káchi ya saa: “Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo mií ndo”, káchi ya.

Gálatas 5:4

Tá tu kúni ndo kindoo vaꞌa ndo xiꞌin Ndioxi tixin ley ra, ta kúni kachi ya xa ku̱xika va ndo nuu Cristo, ta saa ku̱xika tu ndo nuu ya ndi̱niꞌi uun ndo nuu ra kúꞌvi ini ra xíni ra ndóꞌo̱ va.

2 Tesalonicenses 2:14

Saa ka̱na Ndioxi ndóꞌo̱ tixin tuꞌun vaꞌa xaꞌa Tata yo Jesucristo ya si̱naꞌa nde ndóꞌo̱, ya ná kuchiñu ndo kaku ndo, ta saa niꞌi ndo ya vaꞌa luvi ni kúu mií Tata yo Jesucristo.

1 Timoteo 1:14

Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.

1 Timoteo 1:3

Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.

2 Timoteo 2:1

Ñani yo Timoteo, yóꞌo̱, ta nda tá íyo seꞌe mií i saa íyo un, yakan káꞌan i xiꞌin un chikaa ni un ndee chi kúꞌvi ni ini Ndioxi xíni ra yóꞌo̱ xaꞌa ya kúu un kuenta Tata yo Jesucristo.

1 Pedro 1:15

Ya vaꞌa ni ka kua ná nduu ndo naꞌa, na i̱í ni, ta kuꞌva saa xaa súvi ndiꞌi ndo chiñu ya íkan ndo, chi Ndioxi ra ka̱na ndóꞌo̱ kundikun ndo ra, ta i̱í ni ra.

2 Pedro 1:3

Ta xiꞌin ndee Ndioxi kua xa ta̱xi ra ndiꞌi ya xíniñuꞌu ndo ndaꞌa ndo ya vaꞌa kutaku yo nuu ra tá kuꞌva kúni mií ra. Xa ndi̱kiꞌin yo ndiꞌi ya yóꞌó chi vitin ta ndinuꞌu ni ini yo xíni yo Jesucristo, ra ka̱na yoo ya ndu̱u yo naꞌa, na kúu mií ya vaꞌa, ya luvi kaꞌnu ni kúu mií ra.

El Apocalipsis 22:21

Ta Jesucristo ra chee nuu yo ná ikan ra ya vaꞌa xiꞌin ndo. Saa ná koo.