Gálatas 1:23 - Xochapa Mixteco

²³ Takua xi̱ni soꞌo na tuꞌun xaꞌa i ya ndítuꞌun inka naꞌa xiꞌin na, káchi na saa: “Taa, ra ndee ni xi̱ndikun yoo veꞌe ñuꞌu ndi̱xiyo ra, saa xa̱a ndikuu ni ra xiꞌin yo, ta vitin xíka ra káꞌan ndoso ra xaꞌa tuꞌun vaꞌa ikán, ya ku̱ni ni ra sindiꞌi ra xaꞌa”, káchi na xaꞌa i.

Gálatas 1:23 Mawu Ofanana

Los Hechos 19:13

Saa íyo sava nda judío, xíka nda táva nda tachi nduvaꞌa naꞌa. Ñaa xi̱ni soꞌo nda xaꞌa ya íkan ra Pablo, saa xa̱á kúni nda ikan nda tá íkan ra. Kúni nda tava nda tachi nduvaꞌa xiꞌin kivi Jesús, káchi nda saa: ―Xiꞌin ndee Jesús, ra káꞌan ndoso ra Pablo xaꞌa xáꞌnda chiñu nde nuu ndo, saña ndo na yóꞌó ―káchi nda ikán xiꞌin tachi nduvaꞌa.

Los Hechos 6:7

Ta ndiꞌi ni kúu xíta tuꞌun xaꞌa Jesús kuaꞌan ya, xa̱á ndúkuaꞌa na ndíkun ichí ra mi ñuu Jerusalén. Nda mií nda sutu nuu na judío kuaꞌa ni nda xa̱á kándixa Jesús.

Los Hechos 9:13

Saa ndi̱kuiin ra Ananiás ikán káꞌan ra xiꞌin Jesús, káchi ra saa: ―Tata, xa kuaꞌa ni naꞌa ndítuꞌun xaꞌa ra Saulo ya xáa nduvaꞌa ni ra xiꞌin na taꞌan i na ndíkun yóꞌo̱, na ndóo ñuu Jerusalén.

Los Hechos 9:20

Ta saa ndikun xa̱á ra káꞌan ndoso ra xaꞌa Cristo ini veꞌe ñuꞌu sinagoga mi ñuu Damasco ikán, káꞌan ndoso ra xaꞌa ra ya kúu ra Seꞌe Ndioxi ―káchi ra xiꞌin na.

Los Hechos 9:21

Ta ndíkanda ka vi ini na xíto na nuu ra. Ñaa xa̱á na káꞌan na: ―¿Án süvi ra xáa nduvaꞌa xiꞌin na kándixa ni Jesús ndóo ñuu Jerusalén ku ra yóꞌó? Suvi xaꞌa ya ñaa vaxi ra tiin ra na kuꞌun na xiꞌin ra taxi ra kuachi xaꞌa na ndaꞌa nda sutu naꞌnu ñuu ikán ―káchi na ikán soꞌva.

Los Hechos 9:26

Saa tá ndi̱xaa ra Saulo ñuu Jerusalén ta ku̱ni ra ndikitaꞌan ra xiꞌin na ndíkun Jesús, ndóo ikán. Ta köo ndi̱xiin na kutaꞌan na xiꞌin ra chi íꞌvi na nuu ra. Süvi ya ndixa kua ndi̱kundikun ra Jesús, káꞌán na.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.