Gálatas 1:2 - Xochapa Mixteco

² Ta ndiꞌi na ñani yo ndóo nuu íyo i yóꞌó, tíꞌvi ni na tuꞌun mani xaa nuu ndiꞌi ndóꞌo̱, na taꞌan yo, na veꞌe ñuꞌu ndóo ndiꞌi estado Galacia.

Gálatas 1:2 Mawu Ofanana

Los Hechos 15:41

Ndi̱yaꞌa nda estado Siria xiꞌin estado Cilicia ndi̱kaꞌan nda xiꞌin na ta̱xi nda ndee ndaꞌa na veꞌe ñuꞌu ndóo ikán.

Los Hechos 18:23

Saa ndi̱xiyo ra uvi ndaá kivi ñuu ikán. Ñaa ndi̱kiꞌin ra kuaꞌan ra iin iin ñuu ya ñúꞌu estado Galacia xiꞌin estado Frigia. Kuaꞌan ra káꞌan ka ra xiꞌin na ndíkun Jesús, chíndee ra na ya ná kandixa ka na Jesús.

Los Hechos 9:31

Sindiꞌi ikán ta köo ka na ndi̱xaa nduvaꞌa xiꞌin na ndíkun ichí Jesús, na ndóo Judea tin na ndóo Galilea xiꞌin na ndóo Samaria. Vaꞌa ni xi̱ndoo na. Káñuꞌu ni na Ndioxi. Ta mií Tachi I̱í Ndioxi chíndee na, ñaa ndúndee ka na kándixa na Jesús. Ta saa ndúkuaꞌa tu na ndíkundikun ichí va ra.

1 Corintios 16:1

Ta vitin kúni i ndituꞌun i xiꞌin ndo xaꞌa xuꞌun ya ndíkaya nde kuaꞌan ndaꞌa na ndaꞌvi kándixa Jesús ndóo ñuu Jerusalén. Ta vaꞌa ikan ndo tá kuꞌva íkan na veꞌe ñuꞌu ndóo estado Galacia, chi na ikán tá kuꞌva ndi̱kaꞌan i xiꞌin na saa íyo ya íkan na.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

Filipenses 2:22

Sundi ra Timoteo, ta xa xíni ndo ini ra, xáa chiñu ni ra xiꞌin i káꞌan ndoso nde tuꞌun vaꞌa xaꞌa Tata yo Jesucristo, nda tá káa seꞌe mií i saa káa ra, chíndee ni ra yeꞌe.

Filipenses 4:21

Káꞌan ndioxi ni i xiꞌin ndiꞌi ndóꞌo̱ ñani yo na i̱í, ndóꞌo̱ ndíkun Tata yo Jesucristo ndóo ñuu Filipos. Ta saa tu na taꞌan yo, na ndóo xiꞌin i yóꞌó, tíꞌvi ni na tuꞌun mani xaa nuu ndo.