Gálatas 1:16 - Xochapa Mixteco

¹⁶ Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Gálatas 1:16 Mawu Ofanana

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

Los Hechos 5:42

Ndiꞌi saa kivi káꞌan nda xaꞌa Jesús, nda mií nuu ndi̱xaa nda káꞌan nda xaꞌa ra, veꞌe kua, veꞌe ñuꞌu kaꞌnu kua, ndiꞌi nuu ndi̱xaa nda ta sínaꞌa nda xaꞌa ra tin káꞌan ndoso nda xiꞌin naꞌa xaꞌa ya vaꞌa xaꞌa Jesucristo, ra ti̱ꞌvi Ndioxi vaxi sikaku na ñuu ivi.

Los Hechos 9:15

Saa ndi̱kuiin Tata yo Jesús káꞌan ra: ―Kuáꞌan koto un ra, chi ra ikán ku ra ndi̱kaxin i kuꞌun ra ndituꞌun ra xaꞌa i xiꞌin naꞌa na köo kúu judío, saa ndituꞌun tu ra xiꞌin nda rey va. Saa kuꞌun tu ra ndituꞌun ra xaꞌa i xiꞌin na judío va.

Los Hechos 9:20

Ta saa ndikun xa̱á ra káꞌan ndoso ra xaꞌa Cristo ini veꞌe ñuꞌu sinagoga mi ñuu Damasco ikán, káꞌan ndoso ra xaꞌa ra ya kúu ra Seꞌe Ndioxi ―káchi ra xiꞌin na.

ROMANOS 1:5

Ta xaꞌa mií ra kua ta̱xi Ndioxi ya toꞌo chee ni ndaꞌa i kúu i apóstol, yakan ti̱ꞌvi ra yeꞌe ya chindee taꞌan i xiꞌin ndiꞌi ni kúu naꞌa, na ndóo ndiꞌi ni kúu ñuu ivi, na köo kúu judío ya kandixa na ra, saa xaa toꞌo na ra.

ROMANOS 11:13

Ta vitin káꞌan i xiꞌin ndóꞌo̱ köo kúu judío, ya ná kundaa ini ndo, yeꞌe ku ra apóstol, ra ti̱ꞌvi Ndioxi vaxi i kaꞌan ndoso i tuꞌun ra xiꞌin ndo, ta chiñu ndee ni ndee ku ya yóꞌó nuu i, ndáa yaꞌvi ni ya.

1 Corintios 15:50

Vaꞌa ná kundaa ini ndo ñani yo: Chi nda iin yo ta küchiñu yo koo yo xiꞌin Ndioxi nuu xáꞌnda chiñu ra, tá ná kuu mií yo ikin kuñu yo taꞌan ya kúu mií yo táku yo ñuu ivi yóꞌó vitin. Chi ñaꞌa ya táꞌi ta küchiñu ya koo ya xiꞌin ñaꞌa ya nda loꞌo köo táꞌi.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.

Gálatas 2:1

Ndi̱yaꞌa uxi kumi kuiya saa ndi̱ko koo i ñuu Jerusalén, ndi̱xaꞌan i xiꞌin ra Bernabé, ñani yo, saa tu ra Tito va.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Efesios 6:12

Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

1 Tesalonicenses 2:16

Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.

1 Timoteo 2:7

Ta xaꞌa ya ikán kua ta̱xi ra chiñu ndaꞌa i kaka i kaꞌan ndoso i tuꞌun ra ya ndaa xiꞌin naꞌa. Saa ta̱xi ra chiñu ndaꞌa i kúu i apóstol ra xáa chiñu nuu Tata yo Jesucristo, ta xa̱ꞌnda ra chiñu nuu i ya sinaꞌa i naꞌa, na köo kúu judío. Ta ya káꞌan i xiꞌin ndo ta ya ndaa ni kua, köo síndaꞌvi i ndóꞌo̱.

2 Timoteo 1:11

Ta ka̱na Ndioxi yeꞌe ya kaꞌan ndoso i tuꞌun vaꞌa xaꞌa ra, saa kaka i xaa chiñu i nuu ra, ta̱xi ra chiñu ndaꞌa i ya sinaꞌa i naꞌa, na köo kúu judío.

HEBREOS 2:14

Tá kúu seꞌe na iva siꞌí, iin nuu ku ikin kuñu ndiꞌi na ta iin nuu kuu tu nií va na. Ta saa xi̱niñuꞌu Tata yo Jesús ndu̱u ra, ra ivi taꞌan mií yo, ndi̱xiyo ikin kuñu ra ta ku̱u mií ra nií taꞌan yoo, saa ndi̱xiꞌi ra xaꞌa ya ikán kua ku̱chiñu ra si̱ndiꞌi xaꞌa ra ndee kiti nǎꞌa ya xáꞌni ndìì.