Gálatas 1:14 - Xochapa Mixteco

¹⁴ Ta yeꞌe ku iin ra ndee ni vaꞌa ku̱chiñu nuu nda kuâán taꞌan i tiempo ikán. Ndee ni ndee ndi̱xiyo i nuu nda, xi̱nuu i nuu ndiꞌi nda ikán xaꞌa ya ndee ni vaꞌa si̱xinu ndiꞌi i chiñu ya xa̱ꞌnda chiñu xii sikua nde na judío xinaꞌa.

Gálatas 1:14 Mawu Ofanana

San Mateo 15:6

Ta xaꞌa ya káꞌan ndo saa xiꞌin iva ndo án siꞌi ndo, ya küvi chindee ka ndo na, xaꞌa ya ñaa, ta köo íkan ndo ya kúni Ndioxi. Síndoo ndaꞌa ndo ya, ndisaa taꞌan ichí ya si̱ndoo xii ndo xinaꞌa va kua ndíkun ndo.

Los Hechos 21:20

Tá xi̱ni soꞌo na ya ndi̱kaꞌan ra, ta xa̱a toꞌo na Ndioxi. Saa káꞌan na, káchi na saa: ―Ñani yo, xíni mií un kuaꞌa ni mil ku na judío ndi̱kundikun Jesús, ta ndíkundee na káꞌan na ya xíniñuꞌu na xaa súvi na ley ya ta̱a ra Moisés xinaꞌa.

Los Hechos 22:3

―Yeꞌe taꞌan mií ndo judío ku i, ta ka̱ku i ñuu Tarso ya ndíkaa estado Cilicia, saa xa̱ꞌnu i ñuu Jerusalén yóꞌó. Ta si̱kuaꞌa i ndaꞌa ra maestro Gamaliel, si̱naꞌa ndiꞌi ra yeꞌe xaꞌa ichí ya ka̱ndixa ni xii sikua yo. Tá íkan ndóꞌo̱ kándixa ni ndo Ndioxi, saa íkan tu yeꞌe va. Ta ndiꞌi saa ichí kúni i xaa súvi i ley Ndioxi.

Los Hechos 26:5

Xíni vaꞌa na yeꞌe, tá tu kúni na ndikuiin na xaꞌa ya káꞌan i ta vaꞌa kaꞌan na xaꞌa i, chi yeꞌe ta nda tá xaꞌa vi xa̱á i kándixa ni i ichí na fariseo, saa chi na ikán ku na ndee ni tuun xáa súvi ley ndeꞌe judío.

Los Hechos 26:9

Saa káꞌan ka ra Pablo xiꞌin na, káchi ra saa: ―Soꞌva ndi̱kani ini yeꞌe tá yachi xaꞌa kivi Jesús, ra ñuu Nazaret. Ndi̱kani ini i ya xíniñuꞌu i sindiꞌi xaꞌa i ichí ikán.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.