Gálatas 1:11 - Xochapa Mixteco

¹¹ Ñani yo, kúni i ná kundaa ini ndo xaꞌa tuꞌun vaꞌa ya ndi̱kaꞌan ndoso i xiꞌin ndo xaꞌa Jesucristo, ta süvi tuꞌun ya ka̱ku xi̱ní na ñuu ivi yóꞌó ku ya.

Gálatas 1:11 Mawu Ofanana

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

1 Corintios 11:23

Ta ya sínaꞌa i ndóꞌo̱ vitin ta mií Tata yo Jesucristo ku ra si̱naꞌa yeꞌe, ta saa íkan i xiꞌin ndo. Mí ñûu tá ndi̱xiko vata ñaꞌa ra Judas Tata yo Jesús, saa ti̱in ra xita vaꞌa,

1 Corintios 3:4

Saa chi sava tuku ndo káꞌan: “Yeꞌe, ta ra Pablo ku ra ndíkun i”, káchi ndo, ta sava tuku ndo káꞌan: “Yeꞌe, ta ra Apolos ku ra ndíkun i”, káchi ndo. Xaꞌa ya káꞌan vali ni ndo, ta tá íin na ñuu ivi yóꞌó va, saa íin ndo.

1 Corintios 9:8

Ta süvi mií i ku i káꞌan ya yóꞌó, nda mií tuꞌun Ndioxi ya ta̱a ra Moisés xinaꞌa, ta saa káꞌan ya:

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.