Filipenses 3:3 - Xochapa Mixteco

³ Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

Filipenses 3:3 Mawu Ofanana

ROMANOS 1:9

Ta mií Iva yo Ndioxi ndíkuiin xaꞌa i ya köo xíkuiin i káꞌan ni i xiꞌin ra xaꞌa ndo. Ndinuꞌu ni ini i xáa chiñu i nuu ra káꞌan ndoso i tuꞌun vaꞌa xaꞌa Jesucristo, ra kúu Seꞌe ra.

ROMANOS 15:17

Vaꞌa ni kúni i, kúsini ni i xáa chiñu i nuu Ndioxi, xaꞌa ya íyo i xiꞌin Cristo Jesús.

ROMANOS 7:6

Sundi vitin, tá íin naꞌa na xa ndi̱xiꞌi, saa íin yo nuu ley Ndioxi ya xa̱ꞌnda chiñu nuu ichí yata ya xi̱ndikun yo, ta vitin ki̱ndoo ndíka yo nuu ya. Köo ka ichí kúu mií ya kaꞌnda chiñu ya nuu yo. Chi vitin ta ya xáꞌnda chiñu nuu yo ku Tachi I̱í Ndioxi ya íyo ini yo, yakan ndíkun yo ichí xa̱á nuu xáa súvi yo ya kúni Tachi I̱í Ndioxi.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

ROMANOS 8:39

ni ndee ya íyo sukun ni, ni ndee ya íyo nuu kúnu ni, ni nda iin ñaꞌa ya ndi̱kuaꞌa, küchiñu ya xaa xika ya yoo nuu ya kúꞌvi ni ini Ndioxi xíni ra yoo, xaꞌa ya i̱kan Tata yo Jesucristo xiꞌin yo.

ROMANOS 9:6

Ta yeꞌe, ta köo ndi̱kaꞌan i xiꞌin ndo ya köo ndi̱sixinu Ndioxi ya ndi̱kaꞌan ra xiꞌin na ñuu ra na Israel. Saa chi süvi ndiꞌi na seꞌe ñani sikua ra Israel ku na kúu ndinuꞌu seꞌe Ndioxi.

2 Corintios 11:18

Chi kuaꞌa ni na ndóo ñuu ívi yóꞌó xáa kaꞌnu ni na mií na, ta saa tu yeꞌe va, ná xáa kaꞌnu loꞌo i mií i.

Gálatas 5:25

Tá tu íyo Tachi I̱í Ndioxi xiꞌin yo, ta saa ná taxi yo kaꞌnda chiñu Tachi I̱í ra nuu yo.

Gálatas 6:16

Ta saa ná koo ni ya vaꞌa xiꞌin ndo, xiꞌin ya kúndaꞌvi ini Ndioxi xíni ra ndiꞌi ndóꞌo̱ na kúu ñuu Ndioxi, na xáa súvi ni ya káꞌan i xiꞌin ndo.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Filipenses 1:1

Yeꞌe Pablo xiꞌin ra Timoteo, nde xáa chiñu nuu Tata yo Jesucristo ku nde táa tutu yóꞌó xaa ya nuu ndiꞌi ndóꞌo̱, na ñani yo, na i̱í, na ndíkun Jesucristo, ndóo ñuu Filipos. Tíꞌvi ni nde tuꞌun mani xaa ya nuu ndiꞌi ndo, saa tu tá kúu ndiꞌi ndóꞌo̱ na kúnaꞌnu xáꞌnda chiñu veꞌe ñuꞌu, xiꞌin ndiꞌi na chíndee taꞌan xiꞌin ndo.

Filipenses 3:12

Ta ya káꞌan i soꞌva, ta köo kúni i kaꞌan i ya xa i̱kan ndiꞌi i ya yóꞌó, ta ni täꞌan xinu koo i nduu i ra vaꞌa ni. Sundi ya íkan i kua yóꞌó, ndíkundee ni i kuaꞌan ka i chí nuu iin iin kivi ya kuchiñu xinu koo i nduu i tá kuꞌva káa mií Jesucristo, chi xaꞌa ya ikán kua ka̱na ra yeꞌe ya kundikun i ra.

Filipenses 3:14

Saa íkan i kuaꞌan i ya kuchiñu i ndikiꞌin i ñaꞌa ya ndi̱kaꞌan Ndioxi taxi ra ndaꞌa i tá kivi ka̱na ra yeꞌe tixin Tata yo Jesucristo.

Colosenses 2:11

Ta xaꞌa ya xa ndu̱u ndo iin xiꞌin Tata yo Jesucristo kua kúu mií ndo tuni Ndioxi, ta süvi xiꞌin ndaꞌa na ivi yóꞌó kua ndíkunuu tuni Ndioxi ndóꞌo̱, chi mií Ndioxi ku ra chi̱nuu ya ndóꞌo̱. Xaꞌa ya si̱kaku Tata yo Jesucristo ndóꞌo̱ kua ndi̱saña ndo nuu ndee ya väꞌa ku̱u mií ndo ikin kuñu ndo.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.